العنقاء

البارت الخامس والعشرون

" الحب هو أن لا أعزلك عن العالم ، الحب هو أن أتركك بالزحام و أعلم تمامًا إن قلبك لي. "

- محمود درويش

ضي:شنو وو صدك تحجين منو هاي الي وياه تعرفيه

رغد:لا بس حكيت راسي اعتقد جديدة موزبونه عنده وحدة مختلفة مختلفة عني حجيته وسكتت

ضي:انكسر كلبي عليه. ماعرفت شكول بلعت ريكي كتله وهسه انتي شلونج

رغد:عادي ماحسيت بشي

ضي:عادي?!

رغد:ضي الي ماتعرفوه خالد تغير من زمان من زمان كولش ومحد داري استمر يجرحني ويسقط بيه بحجة اتغير واسيء اله. ماتعرفون حقكم لج هو من زمان تاركني من زمان كلش بس. اافف ياضي احسن شي صار انفصلنه تره هو الانفصال حتما جان راح يصير لاتخافين عليه مثل ماهو عايش حياته اني هم عايشة وراح اعيش واجرب شكو شي احبه ومامجربته

صدكيني هاي فرصة حتئ اكتشف واسوي شغلات الاحبه

ضي:ماشي حبيبتي. بس ماعرفتيه منو ماعرفتي شنو نوع علاقتهم

رغد:لا مااعرف شي عنه كتلج شفتهم طالعين ولازم ايده مثل من يلزم ايدي. كلته وابتسمت اتذكر جان يلزم ايدي قوي بين ايده ويشابك اصابعنه سوه. بسيطة ياخالد مرجعك اليه تجي لوماتجي اله ابجيك دم

ضي:كملت اتصال وياها واني متفاجئة معقولة خالد بهالسرعه تخلئ عنه الناس جانت حاسدتهم علئ حبهم وعلاقتهم. المستمرة. الله يستر. بقيت اكلب بالموبايل الئ ان غفيت. فزيت فجأة لكيته جاي يبدل رفعت اللحاف وكعدت سحبت موبايلي من يمي شفته ب3ونص الفجر رفعت راسي اله حسام وين جنت هسه راجع?

حسام:عفوا؟
ضي:الوقت متاخر وانته جاي الساعه عبرت 12 تدري

حسام:واذا عبرت ماعبرت ماتساليني واعتقد اني ماجاي اضلمج بهذا الاسلوب انتي تعرفين الكلام هذا وموافقه

ضي:امك جاي تسالني وين يطلع وين يروح جاي تحرجني من اكله مااعرف

حسام:وهو يرفع بالغطا كليله هو شارط عليه قبل الزواج ماادخل

ضي:هوهيج كلتله بس ماقبلت بعدين حسام من حقنه نعرف وين رايح نخاف عليك كلشي يصير

حسام:مايصير شي وحتئ لويصير موانتن تمنعنه

ضي:باوعتله مخنوكة اريد ابجي مااهتملي لزم الموبايل ويكلب بيه. رجعت نمت وانطيته ضهري لاااراديا دموعي نزلن انقهرت من اسلوبه وبروده وياي فوك مالليل كله ماكو يستمر يجاهلني

حسام:هسه عليمن هالبجي والدراما

ضي:درت وجهي علي بجي ودراما؟

حسام:ضي مايفيد البجي تاذين نفسج والله. ماكو داعي اضم عليج شي كتلج كلشي يخصني تقبليه وبس لاتتوقعين مني احبج لواكمل وياج