العنقاء

البارت الثاني والثلاثون

قبل ان اشرع بكتابة البارت اطلب منكم اعزائي القراء ان تترحموا للاحياء في فلسطين وليس من استشهدوا فهم جميعا في جنات النعيم ،اما الاحياء فهم الان كما يقال ام بلااطفال واطفال بلا ام ولك عزيزي القارئ ان تتخيل
معي الوضع المؤسف الذي نعيشه جميعا فنحن في حالة عجز غير قادرين علئ النصرة سوئ الهتاف لهم نصرة الحق بقدر مانستطيع بدعائنا وقلوبنا ولوكان هذااضعف الايمان عند الله.

الاربعاء
18اكتوبر،2023

..................................................................................

علاقة واحدٍة خُضتها
مَزقتني اربًا،
منذ وقتها وأنا لا أشعر بقلبي لا أحب،لا أكره، لا أتنفس . 

ضي:استمر نفسه الكلام بينه انقطع نهائي الامتحانات بدت اني ماماداومه احاول اجمع نفسي الملم جروح كلبي اقنع نفسي هاهيه انتهئ كلشي واستسلم للواقع الافكار تاخذني وجيبني ضعف وكسره بروحي محد يشوفها

رغد رجعت للبيت بس تجي ساعه باليوم وتروح محد يعرف بانفصالنه غيره،

كعدت من النوم اول مافتحت عيوني ماشفته يمي ضليت ادور بالغرفة عليه ماشفته. كمت من الفراش غسلت وصليت نزلت لجوه جان البيت هوسه خواته جايات هنه وجهالنه والصوت الصيه واصله لسابع جار اصواتهن واصوات جهالهن البيت مكلوب كلاب

نزلت بوجهي للصاله دخلت سلمت هنه مجموعات داير مداير عمتي زينب من شافني الوجوه نكلبت والمود تغير ماعرف شنو السبب الي يكرهني ومايحبني واني ابد ماسامعات من كلمة موزينه وماعندي تواصل وياهن لاقبل لاازوج اخوهن ولابعده يلابالناقص بقيت حايرة وين اكعد اكعد يم عمه ماكو مكان كاعدات يمه اكعد يمه ماريد اتنازل خذيت مكان مقابيل عمه كعدت وحدي واحس صدك اني وحدي وغريبه عنهم صح عمه وسناء حببات وهنه عائلتي بس من يجن بناته احس روحي غريبه وهنه اقرب الهن مني ضحكهن وسوالقهن منجمعات اني بس عيوني تتحرك اباوعلهن وارجع اباوعله صح كاعد بس ابد مووياهن لازم موبايله مشغول بيه فاصل عنهن شنو يسون مامنتبه الهن

يكتب بموبايله ويقره واذا حجن وياه يرفع رايه يبتسم

بعد فترة طلعت للمطبخ خذيت كوب خليت بي شكر الغلايه يمي حميت الجاي وصبيت بقيت بالمطبخ اشرب جاي دخلن للمطبخ خواته اثنينهن ريم وريام سحبن الكراسي وكعدن مقابيلي اني كلبي دك بخوف شيردن اجن وراي ابتسمتلهن بس وجوهن ماتبشر بخير

گرمي صبيلنه جاي وياج حجت ريم

نزلت الكوب علئ الطبلة كدامي وكمت صبيت كواب اثنين قدمتهن بدون مااحس باي شعور كانما جاي اقدم لسناء لوعمة تجاهلت النبرة الحجت بيه