العنقاء

الجزء السابع عشر

سناء:بديت احضر بالعشا وضي يمي

انداريت عليه هاا شبيج

ضي:هيج مابيه شي

سناء:ضيي

ضي:والله ماكو شي وكفت يمه شتسوين عشا

سناء:امممم افكر اسوي عروك وطماطه مشتهيتهن

كولش

ضي:حتئ اني من زمان

سناء:انتم ماطبخونهن لمن اجي وتاكلين وياي

ضي:يي صح انتي تعرفين بعد

سناء:يي راح تشبعين مني هالاكلات

ضي:صارت المغرب طلعت من المطبخ لعمتي

اشوفه وبقت سناء بالمطبخ

زينب:تعاي يمه تعاي يمي

ضي:رحت كعدت يمه علئ الجرباية جانت ممدة

خلت ايده علئ شعري تمسح عمتي زينب حنونه

كلش واحبه هوواي من زمان

زينب:يمه بنيتي ضي مرتاحه

حسام مامضوجج

ضي:لا كولش زين

زينب:خير ان شاء الله

يمه انتي علئ نيتج وفقيرة واعرفج تحبي لابني

ولاتشوفينه حجر وتنفرينه لااريدج انتي تلينين كلبه

انتي تكسبينه وتعوضينه تره هوو متعوب

وگلبه مشلوع من وره ذيج الماتسمئ الله لاينطيه

اريد اوصيج بكم حجايه

ضي:ضلت عمتي تنطيني نصايح وتوصيني وتسولف

عليه شويه وسمعت صوته باب الغرفة يسلم علينه

رفعت راسي اله يباوع لامه ويحاجيه

حسام:الله يساعدهم

زينب:ويساعدك يمه

حسام:حضرولنه عشا هذا رجل سناء يتعشه يمنه

زينب:هاا خير ان شاء الله

حسام:كل الخير اني صاعد اغير ملابسي وارتاح

ضي:جنت صافنه عليه من يحجي وي عمتي منا لمن

طلع ندغتني عمتي زينب باايدي

زينب:لحگي يوم لاتبقين يمي وسلمي عليه واسالي

شلونه.

هزيت راسي ومشيت بسرعه وراه

جان يصعد بالدرج صرت اصعد الدرجه بعد اندار عليه

ابتسمتله شلونك

حسام:اني زين وانتي

ضي:زينه حجيت هيج ونزلت راسي لان هو واكف