هذا اول قرار الصار ماحبه
ياجذبه وحقيقه وياك هم جذبه
اذا كلبك رخيص بسرعه ينباع
شني ذنب الشريف الرايح تحبه
ولك مو عيسى انا وهيج طبعك صار
تكض كلبي بحقاره وتوكف تصلبه.
.................................................................................
سويت مثل ماطلب مني بالباب افتر متوتره مرات افكر اخابر خالد وارجع اكول لا بابا هم لا
زين شسوي ماطول عشر دقايق نفتح الباب درت وجهي اله طلعوا الحراس وطلع رئيسهم تبادلنه النضرات لفترة
دخلي بابا يم زوجج!
ايقنت هذا صديق موعدو دخلت لحسام بسرعه باقي نفس وضعيته من خوفي عليه انهاليت عليه بالاسئلة وحده وره الثانيه بدون ماانطي وقت يجاوب اخر شي تعبت كعدت مقابيله
كملتي?احجي اني؟
شغل شركاء وبس
حسام شغل شنو هذا ماتكلي
صايره فضوليه وهذا الطبع اكره كلش انه
موفضوليه خايفة عليك اريد احميك
تحميني انتي؟
نزلت راسي بتعب ماريد تتاذه موكافي اذيه وتعب. متعب نفسك وامك واني
بقئ فترة يباوعلي بنضرات غامضة
كتلج من البداية ماراح ارجع شخص طبيعي اني مدمر حياتي فوضئ
رجائاً اسكت تعبت واني اسمع كلامك
تمام سكتت بس من اطلع منا عندي شي الج
شنو هو
اصبري عليه من اطلع ،ليش ماترجعين للبيت ترتاحين
مااعوفك
جيبي موبايلج اتصل علئ امي
هي عباله مسافر شلون هاي
جيبي ماراح تحس باجر طالعين
شنو باجر طالعين لمن تتحسن اله تتحرك حسام لاتعبني
هوماريد اتعبج راح اطلع باجر
لمن يوافق الدكتور موبكيفك سمعت
علئ مسؤليتي لاتعاندين كافي
عيوني عليه تباوع هو يجاهلني يحجي مايباوعلي
تركته وتمددت علئ قنفه بالغرفة تصير فتحت شالي شلت الدنابيس منها خليته علئ شعري بس لملمت نفسي ونمت .
كعدت الصبح صوته يسولف هو ورغد كاعده مقابيله لازمه ايده ويحجون اخر شي سمعته منها علمودك تحملت اني والله، رجع حسام لزم اديه اللازمته ويسكته مسحت عيونه بايده الثانية ليش تبجي
كعدت علئ حيلي خليت رجليه بالكاع مامنتبهيلي
رغد?بيج شي
لاامابيه شي جنتي نايمه ماكعدتج
ليش تبجين
ماكوشي حبيبتي
حسام عاف ايده صار يحك براسه
دخلت للحمام غسلت طلعت لكيت ماما جايه وجايبه اكل وياها وملابس الي
أنت تقرأ
العنقاء
Mystère / Thrillerيعاقب المحرض او المسهل لجريمة الهروب بالاتفاق بالسجن مدة لاتزيد عن سبع سنوات (الماده 35)من القانون -قاعدة التشريعات العراقية التفت التفاته اخيرة للسجن ورجع مشئ بخطوات سريعه عبر للجهه الثانية من الشارع صعد بالسيارة باوع للسايق بدون سلام كله سامع بال...
