العنقاء

الجزء السادس عشر

كريم:ماتدرين يعني

مديحة:لاوالله صاير شي?

رغد:وكفت كتله اني وخالد نفصلنه

مديحة:يايمه ليش

رغد:صارت مشكله بينه وهو فسخ الخطبة. طلعت من

الصالة كاره ابرر لاحد واحجي الي صار بالتفصيل

كريم:امشي انتي امشي اكص ايدي اذاموانتي المسويه

المشكلة

رغد:استوقفني كلامه درت وجهي اله صحت بصوت

عالي يي اني السبب ارتاحيت هسه كله براسي

ذبه منووبنتك اني لوهوابنك

كريم:صوتجج

رغد: اتقدم باتجاهي وهو رافع اصبعه

كريم:صوتج لاتعلينه عليه انطيتج مجال طبين وطلعين

مومعناته ماكدر عليج فهمتي من احجي تكولين

حاضر بابا تمشين بكيفج لهنا وبس تحلمين

بعد فهمتي

مديحة:كول يالله ياجماعه شبيكم

كريم اهدأ علئ كيفك

كريم:يااهدأ شنو اهدأ انتي الثانية بنيه

سنتين مخطوبه وطبه وطلعه وياه العالم كله تشوفه

وتجيني تكلي انفصلت اوروبا احنه شيكولون

عليه الناس شيكولون

رغد:يي الناس اهم شي الناس عندك موو

حتئ لو هو غلطان بحقي

مديحة:ماما رغد اصعدي لغرفتج

كريم اهدأ مواول مرة هاي يتعاركون

باجر يتصالحون شبيك

جريته وياي للقنفه كعد عليه انطيته

كلاص مي يشرب

رغد خلت وصعدت للغرفته

ضي:من نزلنا ماتريكنا فدمره نتغدا لان قريب وقته

كلش استحيت من سناء خطيه بوحده كاعده ومكمله

الشغل صح جنت بيتنه اكو خدم يشتغلون بس

ماما علمتني علئ شغل البيت ماتحب اعتمد علئ احد

دوم تكولي اعتمدي علئ نفسج نقلنا الاكل اني

وسناء للطاولة حسام يلعب وي حسون يم امه

دخلت للغرفة صحتلهم يجون جان يلعب وي حسون

مخليه بحضنه من سمع صوتي رفع راسه

يباوعلي. نزل حسوني ودفع عمتي بالعربانه

للطاولة طول الغدا محد حجه ناكل بهدوء

حسام:ذبيت الخاشوكة بالصحن صار صوت