سفير من ايجيبت ✓

الفصل الثامن "أخر مرة شوفته"

لو في فرض مصلتهوش يلا اجري صلي و بعدين تعالي افرح مع ببجو والشلة كلها

صلي على سيدنا محمد عليه أفضل الصلاة و السلام

_______________________________________

أتمنى تتفاعلوا بجد كدة و تعرفوني رايكوا

نبدأ البارت
بسم الله

مر أسبوعين علي موقف الفئران فبعد ظهور فأر  آخر بعد أن رمي جاك قطعه الجبن أتت له محاسن لكن للأسف معها فأر آخر  و هنا ظهر الشيخ رمضان كبطل المغوار الذي  يأتي في نهاية أي حدث وينقذ الأبطال و قام بصيد  الفأر الدخيل  وأخذت فرح محاسن و عادت لشقته
نعود ليومنا اليوم هو الثلاثاء الموافق الأول من شهر نوفمبر استيقظ جاك بكل حماس فاليوم هو أول يوم له بالعمل فبعد أن عانى أسبوعين كاملين ليبحث عن عمل أحضرت له فرح عمل كسكرتير في المكتب الذي تعمل به
جاك بحماس : بيجو انا نازل عايز حاجه
جاد : لا ...خد ب.اك  من نفسك
جاك : عنيا بس انت يومك ازاي
جاد : ف.جر هتعدي .. عليا تديني ....كتب أذاكر ...و هنزل .للأستاذ أباظة أشوفه
جاك : بلاش ترهق نفسك يا بيجو أنا خلاص الحمد لله هشتغل
جاد : أنا.... الكككبير
جاك : بس تعبان يبقي ترتاح وأنا أشيلك لحد ما دراعك حتي يتفك بلاش يا سيدي الكلام
جاد : ربنا..... يسسسهل
جاك : طب امشي أنا بقي عشان أشوف البومة إلى هشتغل معاها
جاد : بلا.ش ... مشاكل
جاك : يا بيجو والله أنا حمل وديع
جاد : علي يدي...... يا ودددديع
جاك : امشي أنا بقي يا بيجو ادعي  ليا
جاد : بإذن لله... خير لي... ا و ليك.... يا كوكككو
هنا اقترب جاك من جاد بطريقة مرعبة : لو هنا.حد  عرف موضوع كوكو ده هخرسك بجد يا جاد أنا بقولك أهو
جاد بضحكه و كلام متقطع : خ..لا.ص يا كوكو ام..شي يلا
رحل جاك من المنزل و اتجه ناحية منزل الشيخ رمضان و قام بطرق الباب
قام الشيخ رمضان بفتح الباب و هو يبتسم
الشيخ رمضان : السلام عليكم يا جاك صباح الخير يا حبيبي
جاك ببسمة لهذا الرجل الطيب : و عليكم السلام صباح النور يا شيخ حضرتك عامل أي
الشيخ رمضان : الحمد لله أنا بخير أنت جي لفرح صح
جاك : بعد إذن حضرتك طبعا بس آه أنا جي ليها النهارده أول يوم شغل
الشيخ رمضان : قول إن شاء الله اوعي تخرج عن مشأته قول إن شاء الله أو بإذن الله قبل أي حاجه هتلاقيها حصلت زي ما انت راسم ليها بظبط و مخطط
جاك : يبقي بإذن لله يا شيخ رمضان النهارده أول يوم شغل ليا مع بنت حضرتك فرح
الشيخ رمضان : أي يا ابني بتقول شعر هو أول يوم مع فرح و خلاص أصلا أنا إلى قولت لفرح تشوفلك شغل بعد ما عرفت أنك خريج تجارة
جاك بصدمه : بس أنا مش خريج تجاره يا شيخ
الشيخ رمضان و هو يضيق نظرة : ازاي فرح ماكد ليا أنك خريج تجارة
جاك : ازاي يعني
الشيخ رمضان : أنت خريج أي يا ابني
جاك :  
Harvard business school
و هنا قاطعته فرح : أنت عارف معنى كلامك بل عربي
جاك بعد تفكير : لا
فرح : يبقي تيجي تشتغل و انت ساكت ثم التفت إلى أبيها : هو خريج يا بابا إدارة أعمال من هارفارد بس شكله مش بيفهم عربي و هيقرفي معاه
جاك : يعني إدارة الأعمال دي هي  دراستي بس اسمها بل العربي
فرح بسخرية : عليك نور
جاك  بحماسه : طب  يلا بقي عشان أنا متحمس آوى
فرح : لما نشوف الحماسة دي هتروح فين مع أول أسبوع
الشيخ رمضان : تعالي يا فرح عايزك ثواني
فرح : حاضر جايه يا بابا
ذهبت فرح خلف والدها
فرح : خير يا قلبي
الشيخ رمضان : أنا قولت ليكي إني عايز جاك ينشف صح
فرح : حصل
الشيخ رمضان : بس واحده واحده ده مش عارف أنه دارس تجارة من كتر جهله بل لغة براحه عليه يا فرح
فرح : متقلقش يا بابا أنا هخلي جاك ده أحسن من زياد
الشيخ رمضان : على أساس أن زياد فالح يعني
فرح : علي الأقل بيعرف يتحرك لوحده يا بابا
الشيخ رمضان : خلي بالك منه هو يبان أنه
فرح : عارفة يا بابا يبان باد بوي بس هو أهبل
الشيخ رمضان: يلا و ابقي سلمي ليا علي الريس
فرح : حاضر هعدي بس علي سعفان افطر وأتحرك
الشيخ رمضان : روحي مواصلات عشان جاك يتعلم
فرح : ما أنا أصلا بوح مواصلات مش بحب تاكسي يلا سلام يا حبيبي
الشيخ رمضان : لا إله إلا الله
فرح : محمد رسول لله
ثم تابعت بصراخ : يلا يا جاك 
جاك و هو يصرخ مثلها : أنا تحت البيت مع زياد
فرح بنفس الصراخ مثل المرة السابقة : طب أنا نازله
فرح : سلام يا بابا
اتجهت فرح إلى أسفل البناية و هناك قابلت زياد و جاك
فرح بمرح : صباحو يا زيزو
زياد : صباحو يا فروحه
جاك: مش اتاخرنا
فرح : مين ده لسا هنعدي علي سعفان
جاك : سعفان مين
فرح : بقالك أسبوعين هنا و مكلتش عند سعفان
زياد : لا مهو الأسبوعين دول كنت بودي أنا ليهم الفطار عشان جاد
فرح : آه طب تعالي بقي اكلك احلي أكل ممكن تأكله في وجبة الفطار تعالي معانا يا زيزو
زياد: سيبني في حالي لو سمحتي
فرح : مالك
زياد : يعني مش واخده بالك من فجر
جاك : ده أنا الغريب اخت بالي
فرح : اسكت أنت
زياد بصدمه : بتقولك اسكت أنت
جاك : يعني أي اسكت أنت دي
فرح : مش وقتك خالص
جاك : عندك حق بس استني أنا عندي فكرة
فرح : أي يا آينشتين زمانك
جاك بفخر: وديها shelter
فرح : تعمل أي هناك
جاك: هي مش بحب الأطفال
فرح : أيوه
زياد : استني فهمت قصدك أي
جاك : أي
زياد : هي بتحب الأطفال بس لما بتروح كل يوم المستشفي بتفتكر محمد بسبب أنها بتشوف حالات شبه كتير كل يوم لكن لو راحت الملاجئ لا
جاك : اسمه shelter 
زياد: احنا مصريين اسمه ملاجئ
فرح : فكرة حلوة المهم أختي ترجع زي الأول  انت مش متخيل يا زياد البيت فعلا دمه تقيل من غيرها
جاك : ابقي خد معاك جاد
زياد : لي
جاك : بيجو كان نفسه يبقي مدرس بسبب حبه للأطفال بس بابا رفض و دخله policies  المهم يعني لو راح معاك هيفرح
زياد : طب تمام هاخده
فرح : يلا بقي يا جاك نلحق نأكل عشان اتاخرنا  اوي
جاك : تمام يلا زياد مش هوصيك علي بيجو
زياد : في عيني
فرح : و اكيد مش هوصيك علي فجر
زياد : في قلبي
فرح : لا يا ظريف أنا عيزاها قدام عينك
زياد : امشي يا فرح افطري