البــارت27
صباح يوم جديد على ابطالي ..
الجدة لطيفه : صباح الخير ماشاء الله صاحيين كلكم
رودين : اي اكيددد لاننا بنروح لهتان
صالحه : ماشاء الله كل الحماس عشان تروحون لهتان
رودين : لا طبعاً مو كل الحماس عشان نروح له
صالحه : اجل عشان ايش
رودين : اليوم بيطلع من المستشفى بعد العصر
صالحه : ماشاء الله ينزل بسلامه ان شاء الله يازين هالاخبار الحلوه يلي تسر الخاطر
الجدة لطيفه : يا هلا يا مسهلا ياهلا وش الاخبار الحلوه يلي هلت علينا بدايه اليوم
ام الواليد : هاذي الاخبار يلي كنا ننتظرها
اسيل : اي والله ياعمه الحمدالله على سلامته واخر الاوجاع ان شاء الله
ام الواليد : الله يسلمك حبيبتي
رودين : شرايكم نطلع للبولفيارد بهالمناسبه ؟
الجدة لطيفه : يلا معكم
صالحه : انا بشوف فيصل وارد لكم خبر
رودين : تم
"عند صالحه وفيصل "
صالحه : فيصل بنروح للبوليفارد هاه وش قلت وتروح معنا مره وحده يعني
فيصل : يلا متجهزين اوديكم ولا باقي ؟
صالحه وفي راسها الف سؤال وسؤال: لا باقي بروح اقول لهم
فيصل : تمام وانا عندي مشوار قريب
صالحه : ولا تتاخر علينا
فيصل : ابشري
وراحت صالحه وهي مستغربه يعني اول مره تطلب شي بدون ما يتهاوشون او تزعل منه او هو يزعل
صالحه عند البنات : يلا قومو تجهزو بنروح معاهم
العنود: الله واخيرا توقعت يرفض
رودين : الله وافق
صالحه : ايوه
إلين : وربي وربي ان اليوم يوم حلو متاكدهههه دام البدايهه كذا
رنيم : تكفينن زي احساسي
وقامو البنات يصارخون مستانساتتت لدرجه شوي ويطيرون من الفرحه
"بالمستشفى "
صالح : هتان شوف فيصل بدا يتغير انسى كل يلي فات وابدا معاه بصفحه جديده تمام ؟
هتان : كل يوم اصلا ابدا صفحه جديده على اساس بيتغير بس انه يصدمني كل شي وتفكيره كل يوم
صالح : بقولك شي بس انتبه تتكلم ولا تخليها نقطه ضعف تمام ؟
هتان : تمام سم
صالح : سم الله عدوك ، فيصل من صغره عانا اشيااء كثيره وتحمل اشياء اكبر من عمره وتربى بديره يعني اكيد بيكون تفكيره كذا وما عنده اخويا الا واحد لكنه بالخبر ما يجي الا في ٦ سنوات مره هتان خلك معاه وحاول تغير تفكيره تمام ؟
هتان : ابشر بحاول قد ما اقدر مع ان احس مستحيل ، بعد عندي سوال وين ابوه ؟
صالح : ابوه بالحد الجنوبي مايجي الا ٢٠ يوم ويرجع ما يشوفونه واجد وما يقعد عندهم تعرف عزايم يمين يسار وعشان كذا فيصل تحمل شي ماهو بمسأول انه يتحمله زي البيت وتدري انه بعمر ١٥ يشتغل والله يا هتان يشتغل يروح يداوم بالمزرعه ويرجع كل ذا عشان يشتري يلي يبغاه هو فا هو شخص مايحب احد يتحكم فيه انا عرفت وش فيه فيه شي كاتمه وجالس يفرغ كل شي الحين
هتان : وش ذا وانت كيف عرفت
صالح : عرفت
هتان : وخويه طيب عندك رقمه ؟
صالح : والله مدري لكن بشوف
وقاطع كلامهم ابو الواليد وابو حمد
ابو حمد : تدري ان لك خروج بعد العصر ؟
هتان : ايوه شدعوه صالح قال لي
"عند فيصل "
راح فيصل عشان يغلف الهدايا يلي جايبها لـ خواته وامه ويفاجهم قدام البنات بعد ما حس انهم هم الوحيدات يلي ناقصهم هالشي وكان لازم يجيبه لهم
انتهى البارت ..
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
