البــارت 56
بعد مرور اسبوع بدون احداث مهمه
الجد حمد : يلللاا جهزو العزبه ومشينا للبر
والكل فرحح ويصارخون ويجهزون
رودين : جويييي الطلعات الغير مخطط لها
اسيل : واجوائي وربيي
ابو الواليد بصوت عالي : استعجلوو يلاا
صالحه : وش موقفكم هنا تحركو
ومشو البنات وتوزعو بسيارات وحركو
رودين : هتان حلفت عليك لا وصلنا البر تخليني اسوق
هتان بمزح: صومي ثلاث ايام
رودين وهي رافعه حواجبها : خير تخسي
إلين : شدعوه من زين السياره عاد
هتان بمزح: بنزلك هنا ونعرف من زينها
إلين : بلا عباطه فيصل عداك يلا
هتان : شدخل فيصل اقول ترا بخليها بس ابغا اناقرها
وقفو وبدو يجهزون وهنا الجد حمد يبغا يخلي وحده من السيارات فاصل بينهم وبين الحريم وبدو يضبطون مكانها وترتيب الجلسه وشبه النار وبدو يجهزون غداهم
صالحه : لايكون نسيتو الطماط
ام حمد : لا معليك موجود
خاتمه : ترا انا مجهزه الاغراض معليك مانسينا شي
العنود : يا امي طفشش وش ذا
سمعها فيصل وقام وكمل كلامه وهو يقول عنود
العنود : هلا
فيصل : طفشانه ؟
العنود : يمه لايكون سمعتني
فيصل وهو يضحك : اي يلا بس قولي للبنات بنطلع نطعس شوي
العنود بحركه مستفزه : ما نبيهم معنا
فيصل بأستغراب : وليش ؟
العنود : نسيت ان دلوعه ابوها رفضتك؟؟
فيصل بابتسامه قهر : قسمه ونصيب عادي
العنود : اوك وراحت نادت خواتها بس الغريب مو هنا انها ما شافتهم وركبو بسياره وراحو يفرفرون
فيصل : سياره خالي علي
العنود: يمه وانا ماشفتهم اصلا
فيصل وهو يقرب ويركز : صبر يلي تسوق بنت
العنود : اكيد رودين
فيصل قرب من السياره وينادي
هتان : وقفيييي ذا فيصل
رودين : ياليلل النشبه
هتان : انطمي
وفك الدريشه وكمل كلامه وش تسوون
فيصل لا بس قلت بنفرفر شوي بالبنات طفش
ضحك هتان : اقول يلا يلا مشينا نفرفر
ومشى فيصل
ورجع هتان هو يلي يسوق وبدت الهجوله
اسيل بصراخخ: حسبي الله عليك
رنيم : يمههه وقففف معاد ابغاا كنت امزحح
رودين : معليك منهم كمللل
لينا : ذولا ربي مسلطهم علينا ليششش
وفررفر فيهم لمن قالو امين ورجعو للمكان ولقو فيصل قدامهم
ونزلو يتغدون
رودين : جوييي تسلم يداتكم اللكل لذيذذ
خاتمه : الله يسلمك
الجده لطيفه : عساكم انبسطتو
اسيل : الحمدالله وربي اليوم ١٠ من ١٠
الجهه الثانيه
هتان يهمس لصالح : والله يا فاتك هجوله
صالح : ما توبون انتو ؟
فيصل : شقصدك هاه
صالح بضحك ماقصدي شي وكمل كلامه الا صح يا علي متى بتمشون ؟
ابو الواليد : بكره ان شاء الله حجزنا
صالح بزعل : لااا شدعوه تعودنا عليكم مالكم داعي
فيصل وحس بغصه ويناظر هتان
الجد حمد : بدري تراكم
ابو الواليد : اجازتي خلصت والله واخذت لي اسبوع زياده وقالو السنه الجايه مافيه اجازه عاد الله يعين
فيصل : والله بيكون لكم فقده كبيرررهه وجيتكم ذي غيرت اشياء كثيره
ابو حمد : ايي والله الله يسسر امركم ويوفقكم وين ما كنتو
عند الحريم وهم يسمعون كلامهم والبنات جتهم غصه من الكلام يلي سمعوه وقامو من الاكل
الجده لطيفه : يا حصه بدري اقعدو عندنا
ام الواليد : والله داوماتنا ياعمه ولازم نروح لها ان شاء الله نتقابل على خير
بعد مشاعر وداعيهه رجعو للبيت وبدو يجهزون شناطهم واغراضهم وخلصو وجلسو البنات يقذون اخر ساعات مع بعض طبعاً رودين ما طاوعها قلبها وراحت تنادي بنات عمتها صالحه يجلسون معهم
رودين : اتمنى محد يزعل مني وان شاء الله المره الجايه اجيكم وانا معي فلوس وسياره وابشرو بالطلعات يلي مالها نهايه
العنود : عاد لا تنسينا
رودين : افاا عليكم انسى نفسي ولا انساكم
وكملو سواليف الين الفجر وبدو البنات يتجهزون
اسيل : احس ماني مستوعبه خير اجلسوو
لين : ما تهنينا معكممممم
رودين وهي تلبس : عاد بنتقابل على خييرر ان شاء الله
وهنا بدت الدموع والتوديعع يلي محد يحبه
بدت تردد اسيل اغنيه
ودعت من يصعب علي وداعه
غالي وعندي ماخذ الحب زودهه
لفت عليها رودين بأبتسامه كلها دموعع وحضنتهاا
الجده لطيفه : الله يسهل دربكم ويوفقكم وين ما كنتو
الجد حمد : استودعتكم الله في حفظ رحمن
مشو للمطار ...
بعد رحله طويله
وصلت عائله علي لبريطانيا ووصلو لبيتهم وكانو مرهه تعبانينن
رودين : احس كل شي صار حلم
هتان : اي والله
إلين : نامو نامو تراني مصدعههه
رودين : يلااا
بعد مرور اشهر
رودين كملت حياتها ودراستها والحمدالله نست كل شي صار لها وسامحت فيصل على كل يلي صار
فيصل بدا حياه جديده وتزوج بصديقه اخته رهف يلي كانت قريبه للعائله كثير وجابو بنوته كتكوته
عائله عبدالرحمن " ابو حمد "
انتقلو للرياض واسيل توظفت بوظيفه حلوه وقدرت انها تعتمد على نفسها ولها تواصل كثير مع رودين توفيها بالاخبار كامله
صالح يلي للحين يخدم اهله ويحاطهم بعيونه ورافض الزواج نهائياً
الباقيين عايشين حياتهم طبيعي وبدواماتهم واشغالهم
انتهت الروايه ❤️
الحمدالله الذي بنعمته تتم الصالحات ، تمت روايتي الاولى
الاخطاء وارده وان شاء الله انها كانت خفيفه عليكم طبعاً الروايه خياليه وليست حقيقه
واسفه على تاخير
شكراً لدعمكم ولكلامكم الحلو
17 Nov2023
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
