البــارت 45
بعد يومين بدون احداث مهمه
اتجهو البنات لعند الصالون عشان يتجهزون للزواج
وبدو يرتبونهم واول وحده خلصت مها
وكانت لابسه فستان ازرق فاتح و طويل ومعاها شنطه فضيه وكانت تسريحتها ويفي من تحت وميكبها مره ناعم وبعدها خلصت إلين ويلي كانت اكثر وحده انيقه فستانها كان لونه اسود وقصير وشعرها كان كله ويفي مع تاج صغير وكعب شفاف وميكبها مره ناعم وروج احمر اما بعدها خلصت ابرار ويلي كان فستانها لونه بيج وطويل وتسريحتها كانت لامته كله ومنزله غرتها ومفيرتها وكان ميكبها وسط اما تجي بعدها هناي يلي كانت لامه نص شعرها ومفيرته ولابسه فستان ازرق ملكي ومعاها شنطه فضيه وميكبها كان ثقيل شوي بعدها تجي رودين ويلي كانت مخليه شعرها ستريت وفستانها الاسود طويل ومعاه قلفز بعدها نجي عند وريف كانت لابسه فستان ابيض على بيج ومسويه شعرها فير واكتفت ببلش وايلاينر وعدسات وروج
اما عند ام الواليد كانت ملكه فستانها لونه وردي فاتحح وطويل وكانت مفيره شعرها كامل ولابسه تاج صغير
-
رودين : اوفف تكفون دقو على هيا شوفو وش صار عليها
ابرار : دقيت انا معليك بس العيال وش صار عليهم احسهم منحاسين اكثر مننا
ام الواليد : كلمت هتان يقول باقي محد تجهز
ام مشعل : لا عاد قولي غيرها
الجدة نوف : الحين ودونا القاعه وتفاهمو هناك
ام الواليد : يلا ينشوف التجهيزات ونرتب الباقي
ابرار : ترا هيا مشت للقاعه تقول انتظروني هناك
مها : الحمدالله انها خلصت بدري عشان التصوير
ام الواليد : اي والله
عند العيال
هتان : تكفون مو منجدكم محد تجهز
سلطان : المعرس بكبره ما تجهز تبينا حنا نتجهز قبله
هتان وهو يصفق جبهته : انت نسيت التصوير ؟
سلطان وقف : اي تصوير ؟
هتان : تصويررالمعرس والزواج شفيكم نسيتو !
سلطان بعصبيه: وليش ما تتكلم من بدري
هتان بنفس النبره : وش دراني توني اتذكر
ويروح يقول لمشعل والباقيين راحو يرتبون انفسهم
نواف : الا صدق وين اهالينا
سلطان : قدامكم بالقاعه
نايف : مو مفروض نكون معاهم ؟
سلطان : المفروض بس تاخرنا
على السريع كل واحد منهم لبس ثوبه واخذو السيوف وركبو سياره متوجين للقاعه
هتان : يلا يلا صوره بسرعه
سلطان : مو وقتك ابداً
وصلو للقاعه وكانو متاخرين كالعاده بعد ما خلصو تصوير تجهيزات المعرس وبدو بتصوير الاستقبال يلي بالقاعه الرجال
وبدو يتوزعون العيال وصوت السماعات تتعلى بالمكان ولمن اشتغلت الاغنيه المنظره والعيال راحو اخذو السيوف وتجمعو
سلطان : انتظرها من زمان هالفقره وابغاها ولازم يا هتان تقوم
هتان : اذا انت بتقوم بقوم معاك
سلطان : تم
نايف : جاني توتر مدري من وش
نواف : ارفع علومك وانت ولد ابوك وش ذا الكلام
وكلهم ضحكو
وبدو بالعرضه النجديه وقامو العيال وهم تحت انظار الجميع
لي بكت نجد العذيه تهل دموعنا
بالهنادي قاصرين شوارب قومها
حن هل العادات ومخضبين سيوفنا
والطيور الحايمه جادعين لحومها
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
