البـارت 14
بعد تعب وارهاق ليله يلي راحت كلهم توجهو للغرف ونوم عشان يصحون بكره ويحركون للرياض
ساعه ٧:٠٠
ام الواليد : بنات يلي اصحووو وراحت تشغل النور وتطفي المكيف يلااا ترا معنا ساعه بس نتجهز فيها ونمشي
إلين ونوم بعيونها : صحينا يلا
رودين تذكرت ان بيكون زحمه ونطت للحمام تاخذ شور
وبعد ما الكل صحصح وترتبو
اسيل : تكفونن حماسسس
صالح : مين يلي بيركب معي ؟
اسيل : انا ورودين ورنيم والين
صالح : الله الله وربي بتطلع السفره رهيبهههه
العنود : وانا بركب معاكم
رودين: سياره ما تكفي ولا ودنا يعني تركبين معنا
العنود : لا تكفي معليك
راحت العنود عند فيصل عشان تعلمه انها بتركب مع خالها
فيصل : لا خلينا كلنا بسياره وحده احسن
العنود : ليش
صالحه : خلها تروح معاهم
فيصل : انا اتكلم عربي ترا خليك معنا فاهمه ولا مافي سفره
العنود بزعل : طيب
والكل ركب ومرو على المحطه يشترون اكل ومويه ويعبون بنزين
سياره " صالح "
رودين : الله وربي احس بتكون احلاا سفرهه واهم شي نروح البوليفارد ياويلكم ان ما رحنا له
صالح : ازهليني لا اوديكم اي مكان تبونه
اسيل : اتحداككك يا العم البطل
صالح : اييي لا اسمع وحده تقول يا عم تراني بزر
رنيم : ليتك قايل لنا من زمان قبل نتعود
صالح : عوافي تتعودين الحين
رودين : يلا شغل اغنيه خلنا نرقص عليها
صالح : ابشري بس وش اشغل
إلين : سواها قلبي
صالح : الله الله ذوقك حلو صراحه
إلين : اي طالعه عليك
وشغلها وبدو يرددون مع الاغنيه
سواها قلبي يا حبيبي وحبك
ما طاعني وانا عن الحب ناهيه
الظاهر انه ما يبي غير قربك
عاف الجميع واول ناس راعيه
وبدو يصورون سنابات ويستهبلون
سياره " فيصل "
يلي كان الصمت سيد المكان
العنود: لايكون ماراح تخلينا نروح معاهم لاي مكان يروحونه
فيصل : مكان فيه اختلاط طبعاً لا هم بكيفهم
العنود : يمه شوفي ولدك !!
صالحه : معليك خلينا الحين نوصل بسلامه وبعدها يصير خير
العنود : ياربي وش هالعيشه كل الاماكن مختلطه
فيصل : وليش تبين تروحين لها
العنود : بعمرك انت ما خليتنا نروح زي ناس
فيصل : تبين تروحين روحي بس خلينا نرجع للبيت اوريك شغلك هناك
العنود : يمه يبينا نقعد بالفندق !!!!!!
صالحه : يا بنت قلت لك يصير خير اسكتي
انتهى البارت..
أنت تقرأ
حب دار من حب اهلها ويازين ديار لو جمعتنا
Rastgeleروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
