البـارت 5
نزلو البنات للصاله والحريم كلهم يناظرون جمال كل وحده فيهم ويتاهمسون
ام ناصر : شوفي ذيك يلي لابسه ابيض والله انها مزيونه
ام خالد: اي والله قولي ماشاء الله ذكر الله زين
ام صالح : ماشاء الله ماشاء الله
الجده لطيفه : ياهلا والله ذولي بنات عيالي الله يحفظهم
رودين : ويحفظك لنا يارب
وقامت العنود تصب القهوه وقامت إلين توزع الحلا
ام فهيدان : هي اكبر وحده فيهم متمسكه بعاداتهم وتقاليده
ام فهيدان : يابنيتي وش لبس ذا
إلين : والله يا جده مافي فستان حلو الا هاذا
ام فيهدان: مافي الا هاذا كان رحتي واشتريتي شي زين يغطي رجولك
إلين وهي منحرجه : ابشري يا جده بشتري فستان طويل
ام فهيدان بعصبيه : والله ما البنات الحين بدو يتفصخون
ورودين لمحت إلين نزلت زعلانه وراحت تشوفها
رودين : إلين إليننن
إلين ودموع بعينها : نعم
رودين : إلين حبيبي ليش تبكين من كلامها خليها تراها كبيره بسن وزمانهم كان غير عن الحين ما عاش مين يبكيك وضمتها
بالصاله الحريم
شافتهم خاتمه وهم ينزلون وجلست شوي وراحت تشوف البنات
خاتمه : إلين
إلين : هلا يا عمه
خاتمه بضحكه: زعلتك ام فهيدان ترا دايم تقولي كذا ومطنشتها والبس يلي ابي الين زقت معاها ولا عاد تكلمت
رودين وهي تضحك : شفتي قايله لك خليها بس عجبتيني يوم قلتي ابشري وسلكتي للموضوع
—————————————————
"عند الرجال "
الجد حمد : نورت ديار بـ علي وعياله
علي ابو الواليد : نورت بأهلها والله
فيصل قام يصب القهوه وجاء عند خاله علي
علي ابو الواليد: ارحب يا فيصل كيفك
فيصل : البقى الحمدالله وانت كيفك
ابو الواليد: الحمدالله وعساه دوم يارب
فيصل : تدوم ايامك
وكمل وبعد ما خلص جلس عند خاله ابو الوليد يسولفون وياخذون ويعطون
انتهى البارت ..
أنت تقرأ
حب دار من حب اهلها ويازين ديار لو جمعتنا
Rastgeleروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
