البــارت 41
اليوم الثاني
بعد تعب يلي جاهم البنات كملو الاغراض ومنها الدعوات ويلي صممتها وطبعتها ريف
ريف : إلين امسكيها ورتبيها زين دعوات الرجال على جنب ودعوات النساء الخاصه على جنب
إلين : تم تم تم
وكملو ترتيبها
عند العيال
سلطان وهتان
سلطان : الحمدالله ان في شي اسمه جوال ولا كان اصلا ما سوينا شي ودخنا
هتان : الله يعين العرس شكلي بطيح من التعب
سلطان : مشينا للمطبخ عشان نشوف طبخهم وكيف هو نظيف ولا لا مو ناقصين نسمم المعازيم
هتان وهو يضحك : تخيل بس يلا مشينا
سلطان : والله اني صادق بعلمك سالفه صارت اقسم انك تموت من الضحك
هتان وهو متحمس : قلها وش تنتظر
سلطان وهو يشغل سياره : يلا وبدا يقولها يقول في واحد هو و اخوياه راحو مطعم عاديي واقل من عادي حتى بعد ما كلو وخلصو راح كل واحد بيته الا واحد من اخوياه يدق ويجلس يسب فيه لمن قال امين ويروح لمه تخيل يطلع بالمستشفى ودكتور مصدوم يقوله يسطا انت وش ماكل قال من المطعم الفلاني ودكتور ينفجر من الضحك يقول انت كليت لحم كلب والا هم يناظرون بعض فيهم ضحكه وفيهم اساله براسهم اليوم الثاني باقي اخوياه كلهم بالمستشفى وهو معهم وسوو لهم غسيل معده
هتان وهو متقرف : الحين ذه سالفه تضحك الله يقلع ابليسك
سلطان وهو شوي ويموت من الضحك: والله انها تضحك تخيل
هتان : شف بسالك
سلطان : اسال
هتان : في احد قالك انت سامج ؟
سلطان باستغراب : لا ليش ؟
هتان : طيب انت سامج
سلطان وينفجر من الضحك وهتان شوي ويقتله
المهم وصلو للمطبخ يشوفون نظافته وكذا الحمدالله طلع نظيف وعجبهم الاكل وتم حجزو عنده
سلطان : تم الحين الوجهه الثانيه نروح نفصل ثياب ونشتري سيوف
هتان بحماس : يلا قدامم
ومشو وحركو واخذتهم السواليف الين سلطان سال هتان عن فيصل
هتان : شف ذا واحد متخلف مره كل شي عنده مرجله لو قلت قم صبها بيقوم
سلطان : بس ليش يتعامل مع اختك كذا
هتان : شكله يحبها ويبغاها بس والله لو محد الا هو بالكره الارضيه انها ما تاخذه
سلطان باستغراب : ليش
هتان : اقولك متخلف ذا تقولي ليش ياخي يسوي اشياء صدقني الانسان يلي معه عقل ما يسويها
سلطان : الله يعينه في نفسه بس قهرني يلي سواه وقتها لان اول مره اشوف وجه عمي كذا وهو كان مستانس وفرحان وفجأه ينقلب وجهه ويتكدر خاطره
هتان : انا ما كنت ادري لمن جتني إلين تعلمني محد قالي وابوي ما يحب يبين لنا
سلطان : اتوقع لاني دخلت عليه فجأه بس وربي عمك صالح جابها صح صدق
هتان : شفت كيف
ووصلو عند وجهتم وبدا ياخذ المقاس وقالو له نبيها بدري وبعدها توجهو عند السيوف
سلطان : شف خذ ثلاثه
هتان : هيه ترا انا ابي بعد
سلطان: يا فاغر حسبتك ترا
هتان : صبر ليش ثلاثه ؟
سلطان : حقي القديم بعطيه نواف ونايف بنشتري له معنا فهمت
هتان : طيب وابوي وخوالي
سلطان : معاهم ترا بس مخبيينها
هتان : تم يلا نحاسب
سلطان: يلا
وخلصو محاسبه وكانو مرهه مبسوطين انهم خلصو مهماتهم وراحو يتعشون
انتهى البارت ..
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
