البــارت 42
في الديره
عند فيصل
بعد ما تصفق من جده حمد رجع بحقد اكبر من يلي قبل بس هالمره غيررر ورودين هي اول شخص يفكر يأذيه باي طريقه كانت وجاته فكره وبدا يخطط لها
فيصل : والله ما تتهنين بحياتك وانا حي بس اصبري
وضحك ضحكه فيها خبث وحس انه هالمره بينتصر
عند الجد حمد وصالح
الجد حمد : يا صالح ياولدي لو صار لي شي شف وصيتي بقولها لك الحين
صالح بصدمه : يا يبه استهدي بالله وش تقول
الجد حمد : اسمعني وركز بكلامي امك حطها بين عيونك وخواتك انتبه لهم واخوانك احرص على انك تكلمهم وتعرف اخبارهم وعيالهم حطهم بعيونك امانه بحطها عندك واخر شي فيصل حاول انك تدبر له اي مكان اهم شي تبعده من البيت عشان خواته يرتاحون وياخذون راحتهم
صالح وهو مو مستوعب ولا شي : يبه الله يطول بعمرك وان شاء الله بعد عمر ما كان لك داعي تقول كذا
الجد حمد وكانه حاس في شي بس مو عارف وشو : صالح انتبه لنفسك وخفف طلعات تمام ؟
صالح : ابشر من عيوني
الجد حمد : يلا انا طالع انام تبي شي ؟
صالح : نوم العوافيي لا سلامتك بقوم معاك عشان ادهنك
الجد حمد : الله يجزاك خير
وطلعو وصالح شاغللل باله كلام ابوه وليش قاله
صالح بينه وبين نفسه : اكيد ابوي حاس بشي ولا ليش بيقول هالكلام استغفر الله يارب الله يطول بعمره
وفي نص التفكير يصقع صالح بالجدار
الجد حمد وهو يضحك : خبل انت ما تشوف قدامك
صالح وهو متألم : ماشفت ماشفت اخخ يرجليي
الجد حمد وهو يضحك : مره ثانيه ذكرني امسك بيدك
وصالح بضحك : ابشر ابشر
ودخلو ودهن ابوه وقفل الانوار ونزل تحت عند امه عشان يتطمن عليها
صالح بصوت عالي : يمه يمه وينك
الجدة لطيفه : لبيه تعال انا بالصاله
صالح : اما عاد ما نمتي
الجدة لطيفه : تعال تعال رودين بتدق فيديو تعال بنكلمها
صالح : ليش لا يلا
وانتظرو شوي الا وتدق رودين
رودين : ياهلااا ياهلااا بتيتهه وعموو اوف وربي انكم واحشيناااا
الجدة لطيفه : والله انتم يلي واحشينا متى بتجون بس طولتو ولا عاجبكم الوضع
رودين بضحك : والله حالياً ما ضنتي نجي لان عندنا عرس
صالح بطقطقه : مالكم دداعيي ما تعزمونا
رودين : انا مالي دخل نشوف خالي فواز
صالح : وانتي صدقتي ترا نمزح
رودين : يا جدة لو طلبتك طلب ماراح ترفضينه صح ؟
الجدة لطيفه : صح وشهو طلبك
رودين : اصفقي صالح كف تكفين لا تخلينها بخاطري
وصالح ياخذ نفسك ويهرب
الجدة لطيفه بضحك : راح و اذا رجع ابشري
صالح من بعيد يصارخ : نشوفكم على خير سلمي سلمي على اخوانكك وابوكك
رودين : الله يسلمك وهنا حست بشي غريب وبدون ما تحس قالت وانتبه لنفسك
وهنا اول ما سمع الكلمه صالح بدا يفكر فيها ليش رودين قالتها ومو من عوايدها تقول هالكلمه بس طنش الموضوع وراح يسولف مع اخوياه ويكلمهم وبعدها نام
عند رودين والجدة لطيفه
رودين : ياجدة اوريك فستاني
وثبتت الجوال وتوريها الفستان وكان لونه اسود وطويلل وفيه فص لونه فضي
الجدة لطيفه : الله الله وش هالزينن انا متاكده انك بتطلعين ملكههه انتي واختك بتطلعون احلاا العرس وقولي لطيفه ما قالت
رودين : طبعاً كله من بعدك
الجدة لطيفه وهي مستحيه : الله يحفظكم ويخليكم لي
رودين : امينن ويحفظك ويخليك لناا
وهنا انهو المكالمه وراحت الجدة لطيفه تنام وترتاح
نرجع عند اهل الزواج وتجهيزاتهم
مشعل : البشت وصل وجربته بس حسيت شكلي غريب
هتان : معرفتكك وانت لابس بشت تكفى البسه بشوفه عليك
مشعل : اقول شكله غريب تقول البسه
هتان : يا رجال ترا بس بشوف
مشعل بطقطقه : يا ورع رح من قدامي بس المواضيع ذي حق كبار
هتان : شدخل انت وربط المواضيع حقك بعدين البس البشت بشوفه
مشعل : طس من وجهي
هتان : ياليل مطولك
الا ويدخل سلطان في هاذي لحظه
هتان : شف شفففف اخوك بتوطى ببطنه ترا
سلطان بضحك : اوف اوف وش مسوي
هتان وضغطه مرتفع : اقوله البس البشت بشوفه يقول طس ياورع من قدامي مسوي كبير على راسي
مشعل : يحليلك
هتان : اقول ولا حرف
سلطان : كيف البشت بس
مشعل بحلطمه : والله شف لبسته وجربته وطلع شكله غريب وحتى يمكن ماعرف كيف ينلبس
سلطان : ورني بشوف
مشعل قام ولبسه وجلس سلطان وهتان يرتبونه ويعلمونه كيف يلبسه والحمدالله ضبط وصوره كم صوره عشان يضبطون الدعوه فيها
هتان : شفت يحمار كيف رتبناه لك
مشعل : الحمار انت لا تسب
هتان : يقول من سبك حبك صح يا سلطان ولا
سلطان : صح
مشعل بطقطقه : ما تحسون انكم طولتو
هتان : جالسينننن على قلبككك
سلطان فتح جواله ودق على نايف
نايف : هلا والله
سلطان : هاه ضبطتو يلي قلت لكم عليه
نايف : اي الحمدالله تونااا الحين راجعين للبيت منها
سلطان : والله انكم رجال كفو عليكم يلا توصلون بسلامه
وقفلو الخط
هتان : يلا عاد انا استاذنكم
سلطان ومشعل : اذنك معك
عند البنات
مها : اففف ميتههه على الفستاننن يجننن احس متى يجي العرس بسرعهه
إلين : استهدي بالله وش يلي مخليك مستعجله
رودين: تصدقون حتى انا ابيه يجي بسرعهه متحمسه لحوسة الزواجات من زمان عنهاا
هيا بفرحه : كل شييي تمامم وكل شي انحجز وخلصنا كل شي بدري بس باقي شي واحد وابيكم تساعدوني فيه
البنات بصوت واحد : تم
هيا : نرتب اغراضي بشناط
ابرار : بس كذا ؟
هيا : يب ليش قليل؟
ابرار : مرههه توقعت شي اكبر بس يلا تم
هيا : وانتو وش قلتو
إلين : يلا مشينا
وراحو للغرفه يلي فيها اغراض العرس وبدون يرتبون ويعزلون الملابس والميك اب ويشوفون كيف يرتبونها
وهم يرتبون جلسو يتناقشون بكم موضوع
إلين : احس ماني مرتاحه ما ادري وش فيني
رودين : فكيني شرك تكفين ماني ناقصه شي مفروض ننبسط لا حالفين ينكدون علي ذولا
هناي: ترا قالت احس يغبيه احساس بس
رودين : بس احساسها يطلع صح ذا المشكله
إلين وهي متضايقه : خلاص قفلو السالفه وقامت من عندهم
ابرار: ما كان المفروض تقولين كذا
رودين : وليش ما اقول كذا
هناي قامت وراها عشان بتشوف وش سالفه
دخلت هناي الغرفه وشافتها تلعب بالجوال
هناي : ورعه انتي وش فيك
إلين ببرود : مافيني شي
هناي: اقول تكلمي وجلست عندها
إلين: مدري بس احس بيصير شي وشو مدري
هناي : بسم الله لا تفكرين ولا تحسين معليك كل شي ربي كاتبه بيصير ويلي مو كاتبه ربي ماراح يصير لا تكدرين خاطرك عشان بس حسيتي وبعدين ليش رحتي هنا لحالك تعالي اقعدي معانا يلا
إلين : مالي نفس
هناي قامت وسحبتها غصب ومسكت بيدها الين ما وصلتها للغرفه ودخلو سوا
ابرار : يهلا يهلا يهلا ارحبووو
إلين : البقى بس ترا ماراح اسوي شي بجلس بناظركم
هيا : خذي راحتك عادي
وقعدو يرتبون لمن خلصو وبعدها كل وحده توجهت لغرفتها عشان ينامون
انتهى البارت .
أنت تقرأ
حب دار من حب اهلها ويازين ديار لو جمعتنا
Rastgeleروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
