البــارت 29
إلين : صلوح هاه وش قلت
صالح : يلي تبغينه بس لا تقولين لي صلوح
إلين : يلا تم بس صلوح بقولها
ابو حمد : خلاص يا المبزره
صالح : جانا الشايب المستقعد للعمال
ابو حمد وهو يضحك : ما لقيت الا ذا
صالح : لانك مستقعد
رنيم : خله يستقعد جعل ما يستقعد غيره
صالح : تعزز لابوها قديمه الحركات ذي
رنيم : وانت شعليك
صالح : شعلي تراه اخوي قبل يصير ابوك اذلفي
رنيم : الله واكبر الحين صار اخوك
والكل انفجر من الضحك
الجدة لطيفه : ياربي من زمان عن الضحك ذا الله يخليكم لي ولا يحرمني منكم
الكل : ولا منك يارب
فيصل : طفشت ترا من يخاوي نروح نلعب
صالح : كلنا بنروح
فيصل : سكوترات كلكم ؟
البنات : ايي كلنا
صالح : تم قومو يلا
رودين : صالح نتسابق انا وياك
صالح : يوههه جويي واجوائي ما طلبتي شي
فيصل : خلونا اول نلقى السكوترات بعدها يصير خير
صالح : يلا
وجلسو يمشون ويسولفون طبعاً العيال قدام والبنات وراء
رودين : صالح بروح بشتري قهوه انتظروني
الكل : تمام
جلسو عشر دقايق الا رودين جايه
رودين: يلا العبو شفيكم جالسين كذا
رنيم : ننتظرك يا الست رودين
رودين : اما عاد تنتظروني عاد كنت شايله هم ادوركم
العنود : يلا عاد بسرعه خلونا نلعب قبل يروح علينا الوقت
وكل واحد مسك سكوتر وبدو يلعبون البنات بجهه وصالح وفيصل بجهه ثانيه
بعد ما خلصو وحسو بتعب رجعو عند الباقيين
البنات اخذو لهم طاوله بعيده وفيصل وصالح قعدو عند ابو حمد والجدة لطيفه
بس انصدم فيصل ان جواله يدق لان محد يدق عليه كثير واول ما شاف الاسم ابتسم ابتسامه من قوتها ان الموجودين لاحضوه
صالح : اقعددد من يلي متصل هاه
فيصل : ريان بس غريبه ليش متصل
صالح : ذا يلي بالخبر ؟
فيصل : ايه هو
نعرفكم عن ريان
عمره ٢٢ ضابط مستقر مادياً عايش بالخبر عند امه لان ابوه وامه منفصلين اقرب شخص لفيصل ذكي وقت المزح يمزح بس وقت الجد جدي محبوب
فيصل : ياهلا ومسهلا
ريان: هلا فيكك ارحب
فيصل : البقى اخبارك
ريان : الحمدالله كيفك انت ؟
فيصل : الحمدالله يارب كيف اجواء الخبر
ريان : الحمدالله بس انا ماني بالخبر دقيت عليك عشان اعلمك
فيصل : الله الله وين انت اجل
ريان : انا بالرياض وابي اقابلك
فيصل : يامرحباا وياهلا والله
ريان : يلا عاد بكره ابي اشوفك
فيصل : ابشر
قفلو الخط
فيصل : تخاويني بكره ياصالح
صالح : يلا قدام
فيصل : يا الله من زمان ما شفته عاد تدري انه تخرج ضابط
صالح : ماشااء الله عليه
فيصل : الله يحفظه من كل شر
عند ام الواليد وابو الواليد
ام الواليد : ابي اروح عند اهلي
ابو الواليد : تمام اذا نزل هتان بنتحرك
ام الواليد : تمام
انتهى البارت ..
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
