حب دار من حب اهلها ويازين ديار لو جمعتنا

البــارت 35

البــارت 35

بعد وصول العيال للبيت كل واحد اتجهه بجهه
بس استغرب ابو الواليد ان جايه اتصال من ابوه بهالوقت وطبعاً رد
ابو الواليد : ارحبب يهلا والله
الجد حمد بعصبيه : بنتك ما تستحي تكلم فيصل؟
ابو الواليد : استهدي بالله وش يلي تقوله
الجد حمد: وش يلي اقوله مخلي بنتك تراسل فيصل وحب وخرابط ؟! وش هالكلام يلي انا شفته ويلي سمعته
ابو الواليد : الله يهديكك يا يبه من من بناتي بتسوي كذا
الجد حمد : اسال رودين وشوف وش ترد عليك

طبعاً ابو الواليد واثق في بناته وفي تربيته لهم وهو عارف ان مستحيلل يسوون هالشي ولا حتى اصلا يفكرون فيه قفلو الخط واتجه ابو الواليد لعند الباب وارسل الواليد ينادي رودين عشان يتفاهمون بعيد عن انظار الناس

رودين : لبيه ناديتني ؟
ابو الواليد : اي ناديتك وابي اسالك عن شي وكوني معي صريحه تمام ؟
رودين : امر
ابو الواليد : ما يامر عليك عدو بس يا بنتي جاني كلام انك تكلمين فيصل ولد عمتك صالحه
رودين اول ما سمعت الكلام جاتها صدمه ماتوقعتها بيوم من الايامم ان ممكن يجيها زي كذا وتجمعن دموع بعينها لانها اصلا فيصل ولا شي عندها فا مين هو عشان تكلمه 
رودين : خير وعلى اي اساس قالو هالكلام ؟
ابو الواليد : يا بنتي بس سؤال لا تحسبين اني شاك فيك
رودين عطت ابوها الجوال بكل ثقه وبغصه : فتشه ولا عندي له رقم ولا اي حساب وعلى فكره ترا هو يبي يتقرب مني بس انا ما ابغاه ولا افكر فيه لان تفكيره واسلوبه ما يناسبني ابداً ولا راح نتوافق فكرياً
ابو الواليد : وانا واثق فيك والجوال ماراح يتفتش انا اعرف تربيتي لك واعرف انك ما تبغينه بس ابغا اعرف ليش قالو عنك هالكلام
الا والجد حمد يدق
ويرد ...

ابو الواليد : لبيه يا هلا والله
الجد حمد : لا لبيه ولا هم يحزنون شف تراك خليتنا انت وبنتك في موقف محرج ولا ودنا فيه فا مافي الا حل واحد ان رودين تتزوج فيصل دامها تحبه تتزوجه
ابو الواليد ولاول مره يعارض كلام ابوه : بنتي ماراح تتزوجه ولا سوت ولا شي كيف ازوجها واحد هي ما تبيه 
الجد حمد : الله وطلع لك لسان بعد ترا حنا عندنا صور لا تحسب اننا تكلمنا كذا ولا من راسنا
ابو الواليد : طيب ارسل الصور
الجد حمد : اول شي رودين عندك
ابو الواليد : اي عندي
الجد حمد : عطني اياها
واخذت رودين الجوال ودموعها بعينها
الجد حمد : رودين انتي كلمتي فيصل ؟
رودين : لا والله ما كلمته ولا عندي له شي اصلا
الجد حمد : لا تجحدين ترا كل الادله عندنا يا تتكلمين يا غصبن عنك وعن ابوك تتزوجينه تفهمين ؟
رودين هنا نزلت دموعها وفكت الجوال وقامت تبكي وطلعت لانها ما تحملت يلي جالس يصير
ابو الواليد : يا يبه ما سوت شي انا اعرف بنتي اكثر من اي احد ثاني لا تسوون مصيبه من ولا شي يرحم لي والديكم البنت ما تبي فيصل ما تبغاه ولا بزوجها اياه 
الجد حمد : بنات هالزمن قليلات ادب ولا ينفع لهم الا ذا شي
وقفل الخط بوجه ابو الواليد

بعد ما نزلت رودين لمحها سلطان واستغرب لان شافها تبكي ودخل للمجلس وشاف ابو الواليد متكدر خاطره

سلطان : سلامات يا عم شفيك متكدر
ابو الواليد وبدون تردد علمه السالفه كلها
سلطان : طيب يا عم رودين تبغاه ؟
ابو الواليد : لا ما تبغاه وابوي حالف الا يزوجها اياه
سلطان جلس يفكر بينه وبين نفسه وش يسوي عشان يسكتهم وما يتكلمون مره ثانيه وش يسوي عشان رودين ما تتزوج واحد ما تبيه
سلطان : يا عم انتظرني بس بروح واجي

انتهى البارت ...