البــارت 51
دخل فيصل لغرفه صالح وبدا يقول له يلي صار
وحس انه لازم يقول لصالح مو عارف كيف يقوله
فيصل : صالح بقولك شي بس بيني وبينك انا اثق فيك وعشان كذا بقولك
صالح لف عليه باهتمام : سم اسمعك
فيصل بدا يقول له من يوم نزل يدخن لمن مشت رودين
صالح : اسلمم بس دامك اعتذرت لها زين وكنت صاد عنها
فيصل : اي بالله اني ما شفت حتى لبسها
صالح : ما صار الا العافيه انسى عوافي
فيصل بتغيير للموضوع : متى بيكتبون لك خروج ؟
صالح : بكره العصر
فيصل : زينن اجل نام وانا بنام وبينا بكره
عند رودين واسيل
رودين : والحين انا منفجعه ليش اعتذر ؟
اسيل : زي ما قلت لكك لا يغرك وربي انه حنون بس هو يكابرر مايبي يبين
رودين : وانتي شعرفك
اسيل : ترا وربي يوضح بس شكلي انا الوحيده يلي اركز
رودين : بكلم إلين الحين اتفاهم معاها عشان البلوك يلي جاك
اسيل : تم يلا
ودقو عليها وبدو يتكلمون ويتفاهمون والحمدالله رجعت اسيل وكان وقت قهر وخوف وعصبيه
عند صالحه وبناتها
مزنه : تكفين يمه مو منجدك تزوجين فيصل !
صالحه : الولد كبر ولازم افاتحه بالموضوع
العنود : احس لو تزوج بيهدا
مزنه : انتي انطمي والله بتبتلش فيه يلي بتتزوجه
صالحه : بس انتي وياها روحو نامو
عند الجد حمد والجدة لطيفه
الجد حمد : انا احس ان السالفه فيها شي مستحيل بعد كل ذي السنوات يتذكرون
الجدة لطيفه وهي تحاول تهديه : معليه اهم شي مافيه شي وكلهم سليمين
الجد حمد : الحمدالله
ورجعو ينامون
عند سلطان وهتان
سلطان : انا وش خلاني اجي معكم
هتان بضحك : اقول البخ وتعال معي بوريك ديره
سلطان : تم
وطلعو برا يوريه الديره وراحو البقاله اشترو كم شي ورجعو للمجلس يكملون سواليفهم
سلطان : الله حياه الديره حلوه والله
هتان : وربي تصير اشياء مدري وش تبي بالحياه
سلطان بحماس : كمل كمل
هتان : امم بقولك سالفه اهلنا كانو يخوفونا بواحد هنا مريض وزي المجنون تخيل مره وانا والين رايحين للبقاله طلع لنا ورجعنا ركض وما نشوف يلي ورانا وندخل وحنا بالقوه نتنفس وقام فيصل يشوف من يلي كان يطردنا تخيل اول ما شافه قفل الباب وربي ان كل يلي بالحوش قام يضحك
سلطان : الحين ذا موجود
هتان بحزن : لا الله يرحمه
سلطان : مات ؟
هتان: ايه كانو في اثنين يفحطون وهو طلع لهم بنص وواحد منهم صدمه وشرد
سلطان : يساتر
هتان بمزح : يلا عاد عطيتك وجه بزياده
سلطان : خذلك ورع يهايط عليك اقول بس نام ورانا مشوار بكره
اخذو الاكياس ورموها ورجعو ونامو
اليوم الثاني
خرج صالح من المستشفى وكانو واقفين عند الباب باحلى استقبال
ويلي الكل كان فرحان انه نزل بسلامه واولهم الجدة لطيفه يلي وقتها انهارت اول ما شافته نزل من السياره
أنت تقرأ
حب دار من حب اهلها ويازين ديار لو جمعتنا
Sonstigesروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
