البــارت44
-
رودين وهي تفكر بكلام اختها واحساسها الغريب يلي جاي بوقت غلط ومو عارفه تلم نفسها بعد يلي صار لها اخر مره بس تقاوم وتحاول تسعد نفسها باي شي وتحاول انها تلم تفكيرها وليش يصير ذا كله وهي ما ضرت احد وليش هم يضروننهاا وفي نص تفكيرها قاطعتها امها
ام الواليد : رودين قومي ابوك يبغاك بالمجلس
رودين بأستغراب : تمام رايحه له
وقامت وتوجهت لعند ابوها
عند سلطان
وهو عند العيال بجسد بس تفكيره في شي ثاني ويفكر بسالفه فيصل وليش يسوي كذا وبراسه الف سؤال ويبغا يعرف اجوبتها بس ينتظر الوقت المناسب ويجيه كف صدم عيشته ويلف اتجاه يلي ضربه
نواف : انت انهبلت وش فيك سرحان
سلطان بعصبيه : وليش تضرب ؟
نواف : لاني جالس اناديك ولا ترد
سلطان : متى ناديتني
نواف : اجل تستاهل الكف ويبغالك كف ثاني بعد
سلطان قام واتجهه لسيارته وقفل الابوب عليه وكمل تفكيره في موضوع فيصل وموضوع زواج اخوه وحرك سياره اتجاه البيت لانه تعب ويبغا ينام لان ما بقى شي على حوسه الزواج
عند رودين وابوها
ابو الواليد وكان مو مرتاح ابداً : رودين في احد كلمك ؟
رودين بأستغراب باين بملامحها : لا ليش ؟
ابو الواليد : انا اسال بس قلت يمكن رجع فيصل يضايقك لان مستحيل يمشيها بسهوله كذا انا اعرفه
رودين بقوه : واذا سوا شي وربي لا اخليه يندم ويكره اليوم يلي فكر فيه انه ياذيني يا هو يا انا
ابو الواليد وهو مو عارف يوصل يلي بقلبه : انا بس ابغاك تنتبهين منه لان الوالد مدري وش فيه عليك
رودين : معليك مو صاير شي
ابو الواليد وهو يبي يطمنها : ولا تنسين ان وراك ابو واخو وعم واقفين بصفك
رودين بتطمن : الله يخليهم لي ولا يحرمني منهم وكملت كلامها انا طالعه بروح ارتب مع البنات تبي شي ؟
ابو الواليد : سلامتك
وماهي الا عده دقايق ويدخل سلطان ويسلم على ابو الواليد
ابو الواليد : يهلا والله
سلطان : هلا فيك
ابو الواليد : اخبارك ؟
سلطان : الحمدالله بخير بس ياعم بسالك
ابو الواليد يلف عليه بتعجب : سم
سلطان : سم الله عدوك بس كنت بسالك عن فيصل واذا هو مريض
وقبل ما يكمل كلامه تجيه رساله نصيه ورفع جواله يشوف الرساله الا ويقراء تم قبولك وينط من الفرحه ويصارخ لدرجه الحريم سمعوه ويحسبون فيه شي
ام مشعل : يويلي هاذا سلطان وش فيه يصارخ
هناي : مافيه شي معليك يمكن يتابع المباراه
ام مشعل بتوتر : تكفين احلفي دقي شي ولا بروح
رودين : ابوي هناك بدق على هتان
هناي : دقي يلا
ساره وهي تهدي ام مشعل : معليك مافيه شي
ام الواليد : انا بروح بشوف رودين لا تدقين
الجدة نوف : وانا بروح معاها
عند سلطان وابو الواليد
ابو الواليد وهو منخرش : بسم الله عليك وش سالفه
سلطان والفرحه مش سايعتهه : تم قبولي بكليه الضباط
ابو الواليد بفرح وابتسامه : مبروكك ياولديي ومنها للاعلى ان شاء الله
سلطان : الله يبارك فيك ويقاطعهم صوت ام الواليد
ام الواليد : بسم الله شفيك سلامات
سلطان بضحكه : اما عاد سمعتو صراخي
الجدة نوف : كلنا سمعناه خوفت امك عليك
سلطان فز : وش فيها امي
الجدة نوف : مافيها شي بس خافت تحسب فيك شي من صراخك
سلطان ضحك : اقول بشروها بس وقولو ان ولدها قبلوه في كليه الضباط
الجدة نوف وفرحه الصدمه : ماشاء الله والله مالومك يوم تصارخ ماشاء الله الله يبارك لك
ام الواليد : يا زين الاخبار الحلوه ماشاء الله مبروكك
سلطان : الله يبارك فيكم
الديره " زواج اخو سالم "
ابو سالم : يهلا ومسهلا ارحبتو
سالم : وهو يدور لصالح بس بياس راح ويرحب بضيوف ويضيفهم بحكم انه اخو المعرس لازم يكون واقف بزواج اخوه
ابو سالم : نادو لي سالم خلوه يجي
ومامر الا ثواني
سالم : لبيه يبه
ابو سالم : خويك يلي عزمته ما جاء ؟
سالم وعنده امل : ان شاء الله يجي بدق عليه وبشوفه بنفس هالحظه وعند صالح
صالح وهو توه واصل للقاعه
صالح : ياربي وينه ذا
ودخل صالح للقاعه وبدا يسلم ولفته واحد واقف لابس جنبيه " خنجر " وغتره بيضاء وعرف انه سالم وراح بتجأهه
صالح وهو يحاول يغير صوته : سلام عليكم وين ابو المعرس
ويلف سالم وبفرح وترحيب : يهلا والله يهلا يامرحباا يهلا وسلم عليه واخذو بعض بالاحضان
صالح : هلافيك بس وين ابوك واخوك ؟
سالم : تعال بوديك لهم وكمل كلامه واصلا يبغون يشوفونك من زمان
صالح : اخبارك يا ولد تدري قلت يمكن ما اعرفك بس عرفتك بسرعه
سالم بضحكه : اما عاد كيف عرفتني
صالح : ملامحك ما تغيرت اللهم بس كبرت وطلع لك شنب
سالم بطقطقه : بس اهم شي اني مزيون
صالح : عاد هنا ما نقدر نقول شي
ووصله لعند ابوه وسلم وعطاهم العانيه وتعشو ورجع للبيت وهو هلكان حدهه ونام
انتهى البارت ..
أنت تقرأ
حب دار من حب اهلها ويازين ديار لو جمعتنا
عشوائيروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
