البـارت 55
صباح يوم جديد
صحو الرجال ماعدا صالح قال انه بيقعد عند اهله لو احتاجو شي وتجهزو ومشو على المستشفى بعد ما تاكدو من اوضاع البيت ان الامور هاديه ومافيه اي انهيارات بعد ما جاهم خبر ان فيصل صحى
وكان فيه نقاش بسيط بين الامهات والبنات جالسات معاهم
صالحه :بأذن الله ينزل فيصل بسلامه واخطب له من بنات عماته يمكن يركد شوي
خاتمه : وليش من بنات عماته بنات اخواله موجودات
صالحه : عاد والله قلت اكيد يبي من بنات اعمامه لانهم قراب ومزيونات ماشاء الله
نظرات رودين ومشاعرها يلي ما عرفت تفسرها اتجاه هالكلام اكتفت بأنها تطلع وطلعو البنات وراها
وهاذي كانت خطه من العنود لامها لانهم عارفين ان رودين رفضت اخوهم ويدقونها بالكلام
ام الواليد : عاد انا استاذنكم بروح اسير على ام فهد تبغون معي ؟
الجدة لطيفه : انا معك من زمان عن اخبارها
خاتمه : وانا معكم
صالحه : ماني رايحه بشوف ولدي وش صار عليه
ام الواليد : تمام يلا
في المقلط
بعد ما جابو هتان للبيت وسلمو عليه ويتحمدون له بالسلامه وفيصل يوم وينزل عشان يكون تحت عيونهم جلسو يسولفون ويتقهوون وزيارات من الاقارب يتحمدون لهتان بسلامه
هتان تذكر كلام صالح وقام عشان ينادي رودين
عند الباب : رودين بنت
ردت رودين : هلا
هتان البسي غطوتك وتعالي ورا البيت
رودين وهي منصدمه منه ولبستها ولحقته
وقفت عند هتان
ولف عليها وهو يقول
رودين انا اخوك وجيت بسالك ليش رفضتي فيصل ؟
رودين لانها ترتاح لهتان قدرت انها تعبرر عن يلي بداخلها
رودين : هتان انت تعرف وش سوا فيك ووش سوا فيني ومستحيلل اني اخذ واحد اذاني واذئ اهلي واحب ناس لي معليش بس انا يلي يحترم اهلي احترمه وبحطه بين عيوني وبعدين انت ما تدري وش مسوي بخواته يضربهم ويرفع صوته عليهم وحارمهم من ابسط حقوقهم يمكن الحين يتغير بس انا مو مرتاحه
هتان : انا معك وواقف معاك تمام وبقول له يلي قلتيه لي عشان يعرف غلطه وماراح تاخذين احد ما تبغينه ارتاحي وهنا انتهى النقاش ورجعت رودين للمطبخ ورجع هتان عند الرجال
انتهى اليوم والكل راح ينام عشان يرتاحون ويستعدون لبكره
اليوم التالي
صحو الكل وصلو
وبدو تجهيزات لاستقبال فيصل من تجهيز للاكل والبخور وتنظيف
صالح بمزح : كتمتونا بالبخور هدوو
خاتمه : اطلع برا
صالح : افااا تطرديني من بيت ابوي
الجد حمد من بعيد بصوت عالي : وانا بطردك معاها
والكل ضحك
رودين : والله ما توقعت الرد
إلين : وربي جدي حمد رهيب بروح بسولف معاه
اسيل وهي تناظر إلين بصدمه : ذي لايكون ضاربها التماس بس
رودين : تراها تستهبل امشو بنتزل للحوش
بالمستشفى
بعد ما صحى فيصل وشاف ان خواله كلهم عنده كان مبسوط بنفس الوقت زعلان على نفسه لاسباب كثيره
ابو الواليد : الحمدالله على سلامتك ماتشوف شر
ابو حمد : الحمدالله على سلامتك خارج من الشر
رد فيصل : الله يسلمكم
ابوالوليد :تقدر تمشي ؟
فيصل : ايوه اقدر
ابو الواليد اجل يلا
وساعدوه وطلعو
في بيت الجد حمد
يلي كان تملاه الفرحه وتجمع الناس يتحمدون لفيصل وهتان بسلامه
كان هتلن مركز بفيصل طول الوقت ولاحظ شي فيه انه يسلك للموجودين وكان ماله نفس اصلا انه يكمل وكان هتان على احر من الجمر عشان يروحون الناس من عندهم ويساله
عند الحريم
صالحه : جهزي الاكل يا العنود وعطيه مزنه توزعه وانتي يا رهف صبي القهوه يلا
ام الواليد مستعجله : رودين وينها ما شفتها
صالحه : والله ولا انا شفتها
ام الواليد : الله يهديها
ونزلت تدورها ولقتها بالحوش
ام الواليد : وينكم ادوركمم
إلين : قلنا لجدتي لطيفه اننا بننزل الحوش
اسيل : ياعمه معليش بس انا ما احب حريم الديره
رودين : ولا ابغا اخليها لحالها
ام الواليد : تمام بس انتبهو ومشت
لين : وجع ليش تقولين كذا
اسيل : وانا صادقه وخري
رودين : اقول بس لينا كملي سالفتك
لينا : ايي بعيدها مع اني قلت بدايتها بس يلا
شفتو بنات سالم انحاشو من المدرسه ولا احد درا بهم
وفي حاله صدمه كيف الاداره ما لاحظتهم
لين : اصلا مايداومون الا بالسنه حسنه وينجحون كيف مدري
رنيم : مدرستكم خايسه يع اقول لابوي لا مو فيها وابوي معاندني
رودين : غرريبب احنا مدارسنا تعرفون كيف عادي
إلين : بس بسعوديه مو عادي
رودين : احس طفشت ندخل ؟
الكل : ايي يلا
انتهى اليوم يلي كان عباره عن كرف وراحو الحريم والرجال
عند هتان وفيصل بعد ما راحو يلي عندهم
هتان : ورع
فيصل : هلا
هتان : وشفيك ياولد ولا تعبان
فيصل : لا ليش
هتان : تلعب على مين ترا من اول ما جيت وانا مركز فيك
فيصل بتعبب واضح من صوته: هتان تعبت متى برتاح ؟
هتان : تعوذ من ابليس واقرا اذكارك الحين يلا وبدو يقرونها كلهم وبعد ما خلصو تربع هتان وهو يقول
تدري ربي يخليك مواقف يختبر فيها صبرك لا تستسلم والحيله ما وقفت على احد
فيصل : بس
هتان : بس ربي فوق اذا حسيت بشي الجئ له اشتكي له هو يسمعك
فيصل : ابشر
هتان : نصيحه مني تقرب من ربي اكثر وشف تيسير امورك
فيصل : والله على خشمي
هتان شاف الساعه وقام : عاد عن اذنك ياعين اخوك انا بروح بنام تامر على شي ؟
فيصل بابتسامه : الله يسلمك
طبعاً جلس فيصل بينه وبين نفسه يفكر وليش انه ما يفكر ويصير احسن واحسن وصح انه تقدم لها ورفضته يعني مو انه يوقف حياته عشانها هاذي قسمه ونصيب ونام وهو مرتاح من الفكره هاذي كثيرر
انتهى البارت
أنت تقرأ
حب دار من حب اهلها ويازين ديار لو جمعتنا
Nezařaditelnéروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
