البــارت 38
عند العيال
مشعل : ياربي جاني صداع شرايك سلطان انت يلي تمسك المعازيم والقاعه و هتان يكون معاك خلوه يشتغل شوي
هتان بضحك : عادي ياولد اصلا كذا ولا كذا بروح مع سلطان
سلطان : تم بشوف الدعوات الحين والقاعه بعدين
مشعل : نواف ونايف انتم عليكم العشاء والذبايح ويكون معاكم عمي علي
ابو الواليد : يلا تم بنبدا من الحين ندور
نواف : يلا
عند البنات
هيا : بنات تكفون ابيكم تساعدونييي احس كل شي منحاس علي
مها : افا عليك كلنا معاك بس الحين ابغاك تنسينن كلل شيي وبكره نبدا بتجهيزات لان الحين بنروح الكورنيش
رودين : اي تكفين يلا
هيا : تم بقوم بتجهز
وقامو البنات وتجهزو وركبو سياره ومشو وهم بطريق جالسين يتناقشون عن الزواج وكذا
رودين : الحين الزواج بعد شهر
هيا : مو شهربضبط لان انا خلصت الاعراض الاساسيه الحمدالله باقي لي الفستان واغراضه وامور القاعه وتوزيعات
إلين : تكفين بروح معاك بختار
مها وهي تضحك : وش تختارين
إلين : التوزيعات وكذا والكوشه
رودين : الحين خلونا بطلعه خلو امور الزواج على جنب
ابرار : اي والله يلا
مها : احس بغير الوجهه وبنروح كوفي
رودين : اي احلا يلا
وغيرو وجهتهم
عند فيصل
كان يمشي مع خويه ويسولف وماخذ راحتهه لاخر شي بس يدق عليه الجد حمد وهنا وقف فيصل ورد عليه
فيصل : هلا والله
الجد حمد : وينك
فيصل : ليش
الجد حمد : انا اسالك تجي تسالني ليش
فيصل : مع ريان
الجد حمد : ارجع
فيصل : طيب ليش
الجد حمد وهو ماسك نفسه : والله ان ما ترجع الليله ان اجي لمن عندك واتوطى في بطنك يا قليل التربيه
فيصل : هيهه قلنا سب بس تربيتي ما تتدخل فيها
الجد حمد بعصبيه: اسكت وتجي الان يلا
فيصل : تمام
وقفل الخط ..
ريان مسكه وسحبه على جنب : فيصل انت فيك شي تكلم
فيصل بعصبيه: لا مافيني شي
ريان : انا خويك علمني يمكن اساعدك
فيصل : ريان مشاكل عائليه صداعع والله
ريان : يعني انت مالك دخل ؟
فيصل : انت ملقوف !
ريان : اذا يخصك ايوه
فيصل : كذبت على بنت خالي وقلت انها تكلمني عشان يزوجوني اياها بس ما ضبطت الفكره
ريان وهو منصدم : وليش سويت كذا
فيصل : لانها قاهرتني مسويه انها اخر حبه ابغا اكرهه اليوم يلي جات فيه
ريان : وش بتستفيد يعني
فيصل : ابستفيد اني اربيها من جديد
ريان هنا وقف : معليش بس يلي تسويه غلط
فيصل بأبتسامه : ترا ماراح توقف عليها هي بس وجلس يضحك
ريان بنفسه يقول شفيه ذا ليش فجأه قلب كذا اشوف اني اتواصل مع احد عشان ينتبهون للبنات لان ذا مجنون مو صاحي
فيصل وهو يقاطع تفكيره: عاد تدري
ريان : وشو
فيصل : براسي شي بيدمرهم تدمير
ريان : استهدي بالله مو كذا وترا بيرجع لك واخس انتبهه
فيصل بعصبيه: انا ابيك توقف معي وتصير ضدي؟
ريان : لان يلي تسويه غلط
فيصل قام وطلب سياره وتوجه للديره
عند البنات
وصلو للمكان يلي يبونه وجلسو يصورون وكل وحده تحترف
رودين : يوهه تكفون ابي هالجلسه جلسه سواليف
مها : يلا سولفو
إلين : المشكله خلصت سواليفنا
هيا بضحك: والله صادقه
ابرار : الا جد بتمشون لبريطانيا متى ؟
رودين : بقنع ابوي معاد يرجعنا للديره على طول من جده لبريطانيا
هناي : ليش
رودين : معاد ابي الديره واحس معاد لها نفس ابداً
إلين : وانا معاك وربي عاد بابا بيقتنع بسرعه لو كلنا تكلمنا
ريف: اهم شي تقعدون عندنا
ابرار : اي وتحضرون عرس اختي
رودين : وش شعورك بالله واختك بتتزوج
ابرار : والله مدري حزن وفرح وشعور متلخبط عاد الحين محد بيستوعب الا يوم العرس
مها: اي والله صادقه
إلين : يارب في فساتين حلوه زي يلي ابيها
ريف: اييي وتجننن معليك
هناي : في محل براسييي خلي بس الاسبوع الجاي يجي ونروح له
رودين : تم وتمين
في البيت عند الباقيين
ام الواليد : يا الله يا ام مشعل الايام تركض
ام مشعل : اي والله الله يوفقهم ياربب
الجده نوف : متحمسين اكثر من العرسان
ام نواف : اكيد بنتحمس اكثر منهم عيالنا
الجده نوف : الا ياحصه وش صار على سالفه رودين
ام الواليد : والله ما ادري للحين بس ربي بيحلها والبنات غيرو جوها ماشاء الله
الجده نوف : الحمدالله
انتهى البارت ....
أنت تقرأ
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
