المخلص "باللهجة العراقية "

البارت الواحد والثلاثون

المخلص..
البارت الواحد والثلاثون..
بقلمي رسل..
rasolaa7

انستا  Rasolaa7

بوگني مِن الدنيا كُلها
وضُمني بين چفوف إيديك..

نورا..

-نسحبت منهم جانوا الكل متجمعين ويحجون بخصوص البيت والي نخط عليه بالصبغ الاحمر اني شايفه هيج شيء وسامعه عنه هالشيء حرم هواي ناس من اهلها
ومناطقها وهجر عوائل هالشيء دمار بدون ما يتعاقب
الفاعل وحده لا هم يعاقبون البيت كله ويبهذلون عوائل كامله بحجه الثار..

-رحت للحديقه كعدت وحدي وداخلي قلق خايفه على علي هواي اخاف يغدرون بي ساعتها انتهي وكل القوة الي اتظاهر بيها تتهاوى وانتهي والله ما ضل حيل وروح الي تتحمل كافي عليه الضيم والفراك الي شفته يارب الا علي لا تحرمني منه بعدما زرعت حبه بكلبي..

-بس طبته للبيت من يرجع من دوامه وهو يدور بعيونه
عليه ومن يلمحني يتنهد مرتاح احسه بالدنيا كلها يجي
وراي للغرفة ويحضني.. افيش يا ريحه هلي شكد مشتاقلج بويه..

-رفعت راسي الدنيا ليل والسماء صافيه وكم نجمه متوزعات باماكن متفرقه مزينات سواد الليل واتذكرت
اختي من جنه نصعد بالسطح جانت تتمدد وعينها على
النجوم وتختار ابرز وحده وتلتفت عليه..

-من اكبر اعيش هنا..

-ضحكت وين اكو واحد يعيش هنا شنو بيت الخلفج شوفيها شكد صغيره..

-انتي شبيج هسه القمر مو منا يبين صغير وهو شكبره
النجمة هم لان بعيده تشوفينها صغيره هنا احسن نعيش ماكو صوت طلق ولا اشوف البنات المكروهات الي
بالمدرسه هنا احلى نورا..

-نزلت دمعتي من تذكرتها بس الله الي يعلم شكد مشتاقه
الهم جانت تخاف من صوت الطلق الي ينرمي من يفوز المنتخب بحيث الوحيدة بينا جانت تدعي كون ما يفوزون لان يشتعل الجو وهي تخاف هواي..

-ما كدرت اتخيل حالها شلون كتلوهم وباي طريقه تم ترويعهم شكد خافت منهم حبيبتي وشلون شافتهم بعينها كلبها تحمل المنظر ولحاياهم واشكالهم القذره لو وكفت دكاته كلبي نعصر والشوك دمرني اشتاكيت حيل الغالي ما ينسي ولا يروح من البال..

-مسحت دمعتي من حسيت عليه كعد بصفي.. ها بويه حنيتي؟!..

-تقرب يمي كلش خليت راسي على كتفه احب هالشيء
بي من اكعد هالكعده يجي بس حتى اخلي راسي على
كتفه وكانو اختصر كل حروف وعوضها بهالفعل وكانو
يكلي اني يمج اني سندج ابجي واشكي على هالكتف..

-مسحت خشمي.. اريد اروح وياهم ليش عافوني..

-تنهد وخله ايده وره ظهري كعدت هاي كعدتج من استشهد جهاد الكون ضاك بيه ساعه كامله اني اتوسل برب العالمين بس كون الحكه وصبح الصبح وخلص اليوم وما تحقق الي اريده ربج حكمته موجوده حتى باليوم الي كاتب بي موتنا مو بكيفنا هالشيء مقدر
حرام الجزع وحرام هيج تاذين نفسج..