المخلص "باللهجة العراقية "

البارت الثاني عشر

المخلص..
البارت الثاني عشر..
بقلمي رسل..
rasolaa7

انستا Rasolaa7

-تصويت وتعليقاتكم على الفقرات حبايبي..

رِدنّة نِنسى ومَا نسينا
رِدنّه نِبچيّ ومَا بِچينة
ونِعتب ونحچيّ عَليمن
وياهو يسمَع لو حِچينا..

-رجع لدوامه واني طبيت وياها للبيت ابتسامتها حلوه وترحيبها احلى بعد كعدت بالاستقبال
واطلقت العنان لدموعي حتى اذا مثلت القوة حتى اذا
طولت لساني بس كلبي يوجعني واحس روحي وحيده
ومحد يريدني وهالشعور صعب واحد يتحمله..

-شوي ورجعت بيدها صينيه بيها عصير ما كدرت اشرب واني معدتي تخمتها بالكص والبيبسي كعدت
يمي وهي ترحب بيه جان واضح عليها عروس جديده
من شكلها من سألتها هي ابتسمت.. اي اني وفداء صارلنا شهرين من تزوجنا..

-هو هذا رجلج العصبي؟!..

-ضحكت.. بس بشغله عصبي شغلهم صعب والمقابل
مجر..مين ويحركون الاعصاب بس وياي ويا جماعته
شحلاته فدوه لطوله..

-الله يخلي الج بس ترى عبالي مخبل مره عصبي
مره بس يضحك وحرت ويا وحتى غلطت عليه ترى.. 

-هو هذا فداء فدوه لكلبه روحه حلوه بس وكت الشغل
من العصبيه تشوفينه هيج هسه عوفج منه انطيني هذا الحلو..

-تبوس بي ومخليته بحضنها واني الوب..

-عيني على تليفونها و استحي اطلبه منها جنت اريد
بس اتصل على خالي لو مرته عسى ولعل اسمع عنهم
اخبار تطمن كلبي نار عليهم..

-عندج رصيد اخابر منج؟!..

-سحبت جهازها وانطته الي.. هاج حبيبتي خابري على راحتج اني اخذ هذا الحلو يمي حجتها واخذت علاوي وطلعت..

-بايد ترجف واني ما اعرف مصيري شنو كتبت رقم
خالي دكيت عليه تنهدت بالم من اجاني صوت.. الرقم
غير معرب..

-دقايق اني اكتب واحذف بس اريد اتذكر رقم مرت خالي جنت شاكه بتبديل الارقام الاخيره لما كتبته اني
عقلي تعب ابتسمت بفرح من دك وكل دكه جانت تدك
بكلبي كم دكه وانفتح الخط واسمع صوت هوسه يمها
نزلت دموعي من سمعت الاصوات شكد اشتاقيت
اكثر من سنه واني بعيده عنهم
اكثر من سنه واني ما شايفتهم واسمع صوتها.. منو
ما تحجون منو..

-بصوت مبحوح من التعب.. اني زمرد خاله حجيتها
وهي تصيح منو رفعت صوتي واسمع شهكتها واني
شهكت وياها ابجي واحجي.. خاله مشتاقتلكم وينكم
انتوا بخير طلعتوا من الموصل خالو شلونه خاله تبهذلت بخلافكم والله تبهذلت..