المخلص "باللهجة العراقية "

البارت الثالث والعشرون

المخلص.. 
البارت الثالث والعشرون..
بقلمي رسل..
rasolaa7

انستا Rasolaa7

بارت طويل لعيونكم - لا تنسون التصويت وتعليقاتكم الحلوه على الفقرات- متابعة الحساب❤️

ومليحةٍ أخذتْ فؤادي كلَّهُ
‏وجرت بحكمِ غرامِها الأقدارُ
‏ما لي على جندِ الهوى مِن ناصرٍ
‏عَزَّ الغرامُ وذلَّتِ الأنصارُ..

لارا..

-مرات الانسان يحلم ويتمنى شيء وايام وليالي يخلصها
يلح بالدعاء وتالي من يتحقق هالشيء يكتشف عظمه الخالق ورأفته بتأخيره لان بالنهاية هو اعرف بالي
صالح النا وبالي راح يكسرنا..

-يا ما جان حلمي اشوف ابويه جنت اتمنى اتباهى حالي
حال البنات بأب وسند جنت اتمنى اشوف ملامحه ويا ترى اني اشبهه لو لا واتخيل روحي مثل الافلام من
البطله سنين بعيده عن ابوها وتالي تشوفه وشلون ياخذها بحضنه هيج جنت اتخيل لقائي بابويه..

-ما دريت الواقع مر ومو كل شيء يصير مثلما احنا
نريد والدليل هاي اني وهذا حلمي الي تحقق بخيبه وعكس كل توقعاتي شفته اي بس تمنيت لو امحي
هاليوم من حياتي ولا عايشه هالموقف..

-غمضت عيني وفتحتها عيوني مورمه وتعبانه راسي
ساندته على كتف علي وجعفر يسوق وعينه علينا ويحجون هو وعلي بمواضيع عشوائية مره عن السياسيه ومره عن الأوضاع الي بالبلد وشلون بعض محافظاتنا وحده وره الثانيه صارت بيد الي ما يرحمون الله ولا يعرفون القيم والدين..

-وبالمقابل حجيهم بفخر عن ولدنا وسباعنا الي متحملين
حر وبرد السواتر بسبيل حب الوطن والدفاع عنه وعن
ناسه ومقدساته..

-ووصلنا للبيت بالاصح مكاني الحقيقي الي ترتاح بي
نفسي نزلنا من السيارة وعلي توسل بجعفر يدخل بس ما قبل تعذر وراح وعيني وراه موقف بعد موقف شكد ماهو كبير بعيني يكبر اكثر واكثر..

-ودخلنا للبيت ركضت على امي ابجي وابوس بيها وجهه ايدها راسها هاي الحنينه هاي الي ما خلت دمعتي تنزل هاي الي شفت الحنان والتربيه الصح يمها وبس..

-من شفتها بجت وشلون تتفحص بوجهي كرصت خدها.. كافي عاد لا تصيرين دراميه وتحجين عليه هسه منو يقلد الافلام شعليه قابل نوكلت هياتني يمج بشحمي ولحمي بس غيرت جو كم يوم واكشن وحركات ورجعتلج..

-هي ضحكت.. ام لسان بعد روحي البيت اظلم بلياج
وتبوس بيه..

كرار.. يمه عاد جاملينه بالجذب شنو مو بعينج واظلم بلياها..

لارا.. كمت مبتسمه حضنته وهو باس راسي وهمس.. وروح ابوي اخيسهم جوه والا اخذ حقج عن كل دقيقه
اذاج بيها وعن كل دمعه نزلت من عيونج هاي الحلوة..