المخلص "باللهجة العراقية "

بارت اضافي

المخلص..
بارت باخر الاحداث..
بقلمي رسل..
rasolaa7

انستا Rasolaa7..

أحببتُ روحَكَ حُبًّا ما لهُ شَبَهٌ
‏وأعظمُ الحُبِّ حُبُّ الرُّوحِ لِلرُّوحِ..

زمرد.. عيني على الساعه وكمت طفيت الطباخ بعد ما جهز الغده منتظره حبيبي الي كال ساعتين اني يمكم ولهسه ما مبين هو هذا السرسري اصلا مواعيده ماكو اضبط منها..

-كلبي فز واني اسمع صرختها وهي تصيح بخوف..

-نرعبت واحس جمدت بمكاني دخيلك ياعلي شبيهم
اطفالي وشنو هالاصوات ركضت على مصدر صوتها
واشوفها تركض وره اخوها وتبجي وهو مفرفحه روحه  والدموع تارسه الوجه..

-شكو حبايبي شكو كلبي انتم علاوي ماما قمر منو وياكم اخوج شبي؟!..

-اجاني الجواب بعبره تكسر الكلب من علاوي وهو
يشهك ودموعه بكلبي.. ماما اني ليش محد يحبني والله ما سويت شيء هم يحبون قمر وما يحبوني هاي بيبي
كلما شافتني وكالت روح يم امك وقمر ما تحجي وياها هيج شمسوي الها ليش تكرهني يحجي ومختنك بشهتكه ويكطع بالكلام..

-اخذته لحضني ودموعي تنزل ويا دموعه يا روحي يا قطعه من كلبي شكد مجروح وليدي ماما حبيبي كافي شوف وجهك نطعن كافي لا تقهرني اني مو احبك وحتى بابا وقمر يحبونك هسه ليش تبجي..

-قمر جانت تبجي ويانا مسحت دمعتها وعينها على اخوها بقهر وتحجي بلكنه مكسره.. مامي هاي شدى
تكله روح ابن العرام ( الحرام) لا نشوف وجهك مامي
اني ما احبها طربتها (ضربتها) بنعال والله هي طربت علاوي حكيره..

-ولج ماما عيب بابا ما يقبل بس تعالي احجيلي شصار
وليش حجت عليكم صرتوا وكحين ضوجتوا بيبي..

-هو رفع راسه وجهه احمر والشهكه جلبت بي.. ما سويت شيء والله ماما بس جنت العب ويا بنت عمه زينب وهي عمه شذى دفعتني واخذتها وتكلي روح لامك وتغلط عليه وحتى بيبي ما تحبني ما تدافعلي تحب بس قمر وتحب كل الجهال محد يحبني بعد ما اروح يمهم وحتى ما اطلع من بيتنا وحتى الدوام ما اروح بعد..

-اخذته لحضني بكلب ممرود  ابوس بي غسلت وجهه وهو يرجف من القهر وين اضمك يا روح امك مكتوبلك شلعان الكلب مثل امك تعب من البجي وحركان الدم كعدت وخليت راسه بحضني امسد عليه واسمي دفع ايده وكام واشوف خشمه ينزف ضربت على وجهي بخوف..

-يمه ابني شبيك ماما لا تخوفني طفرت بي للمغسله وكلبي متفطر عليه الله لا يبرد كلبج يا شذى الله يحرك
كلبج مثلما فرفحتي هالطفل من كدما احتركت اعصابه
وصيح وبجه حتى خشمه طك دم..

-غسلتله بعدما توقف الدم وهو خنطل وتعب خفت عليه نوب ابوه بعده ما واصل اخذته للغرفه بلكي ينام واني اعرف شلون اطيح حضها بس خلي ابني يرتاح شوي ما اعدي حركه كلبه هيج بسهوله..