المخلص "باللهجة العراقية "

البارت الثاني والعشرون

المخلص..
البارت الثاني والعشرون..
بقلمي رسل..
rasolaa7

انستا  Rasolaa7

تريد تعرف شنهو هن اليوجعني
انت
والدنيا
وشتا الله
وخبصة الوادم
وحظي
والضياع الماد رجله بوجه عمري
والاماني المدري ياهو الباگ بيهن
والليالي التاخذ من الحيل من تريد تگضي
والضوه الما يشتهيني
والهوا الما يعتنيني
والسما الطفت ضواها من طفه وجهك بعيني
هن ذني اليوجعني..

-فزيت بنص الليل اروح للحمام واسمعه يحجي بالتليفون صنمت بمكاني وعقلي ترجم كل معاني الخوف واني اسمعه.. اي اني وعدتهم الهم مره بس خلي اشوف تاليها ما عليك منه هالمعيدي اني اقنعها كتلك عوفنه منه البنيه اني اقنعها وما تصير اله الهم..

-غمضت عيوني وجفوني تحرك بيه من التعب والبجي
كلبي يوجعني ليش هالكد تاخروا عني وينك كرار وينك علي مو تكول انتي روحي روحك مو بخير ليش تاخرت عنها..

-مسحت وجهي بقله صبر وفتحت الباب ودخلت اجه وكت المواجهة لا البجي ولا الطم يفيدني وكفت كباله
والتقت نظراتنا بين الي نظراته جانت لؤم وكره وتوتر وبين نظراتي الي مليانه غضب وتراكمات مليانه تساؤلات وخيبه..

-ها بويه شمكعدج شلون صرتي؟!..

-بصوت واهن جاهدت نفسي يلا طلع.. حضي الما كعد بيوم وياك كعدني..

-ابتسمت بقهر وكعدت ما عندي قوة اسند طولي.. جنت صغيره من عرفت بابا احمد مو ابويه الحقيقي ولا كرار وعلي اخواني بيومها انقهرت وختلت بالترك وره البيت بجيت هواي وبدموعي رسمت صوره الك كل شيء جان مثالي وحلو بادق التفاصيل صورتك ضلت
بذهني مجومة وراسخة محد كدر يهزها بيوم غيرك
انت الي بيدك حطمتها لاجزاء تناثرت صعب ترجع
مثل ما جانت بعد..

-عيونك طولك شكلك تفاصيل نرسمت بدموعي من ذيج الليله الي خلصت بيها دموعي عليك ويا حرامات والله اليوم اوكف بوجهك واحجيها الك حرامات سهرت ليالي من عمري ابجي عليك
حرامات ضيعت ساعات اتامل كل رجال ماخذ بنته
للمدرسة واتخيلك بمكانه وارجع للبيت بخيبه وثاني يوم
ارجع اتامل وانتظرك..

-سكتت تنفست شوي وكملت.. سمعت عنك تحب امي
هواي حد الجنون زين مو هاي الي كبالك ثمره جنونك هذا وينك عنها شرجعك عليه شرجعك يالي يسمونك
ابوي..

-راد يحجي ما خليته صحت بقهر.. منو الي تريد تنطيها ولمنو احجي المنو واضرب على رجلي بقهر
جاثم على صدري وخانكني؟!..

-يابه مو هيج اني دورت عليج لا تحركين كلبي بعتابج
بس احمد ما رضى بعد اخذج..