المخلص "باللهجة العراقية "

البارت التاسع

المخلص..
البارت التاسع..
بقلمي رسل..
rasolaa7

انستا  Rasolaa7

-تصويت وتعليقاتكم على الفقرات حبايبي..

كـ الصمت اصبحت كأني لا ارى
وكـ الهواء لا يغطيني الثرى
تسكنني الحياة والموت معاً
لا أدري مايجري لادري ماجرى
كـ الماءِ ما يمسكني من احدٍ
الا ومن كفيه صرتُ اقطرا
وما عزائي الا ان اقول لي
ياحظي بالقادم حظاً اوفرا..

للشاعر حسين علي المطوري..

-هو ابتسم ووكف السيارة ونزلنا منها بالخمس دقايق
احنا ندك بالباب تالي طلع شاب  من البيت الي بصفهم.. ما موجودين مسافرين خير محتاجين شيء..

-خيبه الامل الي حسيت بيها بهاي اللحظات الله لا يراويها لاحد
حالتي مثل الطير الي محلق بعالي السما وينضرب جناحه ويهوى للكاع..

-عيون علي صارت بعيوني ونظراته الي مليانه حنيه
ما يفرق عن خاله اي هالنظرات شفتها بعيون خالهم من
جان يواسيني ورجع التفت على الولد.. صار شكد من
سافروا؟!..

-شهر..

-ما كالوا شوكت يرجعون حجيتها وهو رد.. ما نعرف
شيء بس الي نعرفه سافروا..

-بقى علي يحجي ويا وانطاه رقمه حتى اذا رجعوا يتصل علينا واني ودي اكعد بنص الشارع واعيط
وكتكم تسافرون وكتكم تعوفوني وحدي..

-رجعنا للسيارة والدمعه تفتر بعيني قبل لا يحرك علي
حجت الحجية.. يمه اخذنا للسوك..

-وفعلا طلع بينا للسوك جان سوك شعبي حلو والناس
تروش دعيت ربي كون الموصل ترجع هيج بناسها
الغيارى مو بي الي خانوا ترابها وباعوها ورجعت تنهدت بالم حتى اذا رجعت الموصل ونطردوا الانذال
مستحيل ارجع لحياتي الي راحوا ما يتعوضون حتى
اذا رجعت لمنطقتنا ولنفس الشارع وبيتنا ما راح اكدر
اعيش مثل قبل غابت عني ضحكة وسالفه ووجوه
لو ابجي عمر ما يرجعون..

-طلعني من شرودي صوت الحجية وهي تحجي ويا
علي وانو ساعتين ويرجع علينا..

-واخذتني فرتني وهي تحجي وياي واني خجلانه منها
دخلت على محل ملابس داخليه وجانت مره متوسطه
بالعمر الي تبيع وهي تباوعلي يلا شوفي قياسج والي
يعجبج..

-الفشله والخجل خلني بس صافنه تالي هي اشترتلي
على ذوقها وطلعنا اخذتلي دشاديش واني اصريت الا
اسود وهي تهمس.. اسود ويا هالبياض الله يعينك
الي ابالي..

-يمه هسه الا اسود هاي الوان تخبل..

-خاله ما اذب الاسود يا الون واني بفاجعه..

-سوده عليه يمه لا تكولين هيج اني امج حجتها بقهر..

-وهيج خطيه ما خلت شيء ما اشترتلي عبالك بنتها
واني اعترض وهي صاحت اخذي لا تشلعين كلبي
حالج حال لارا..