المخلص "باللهجة العراقية "

البارت الثامن عشر

المخلص..
البارت الثامن عشر..
بقلمي رسل..
rasolaa7

انستا Rasolaa7

حتى الما تمُر بـالبال مَرتلي
أحس الدنيا بـالبلعوم وگفتلي..

-وعيت من صفنتي على صوت الآذان هو يحجي واني ادعي ويا كلماته الي تشرح القلب بعدها دخلت ومديت سجادتي واني ادعي الحجية جانت منتهيه وكل شوي وكالت احمد ادعي لأبنك
مو يكولون الميت يعلم بشنو يصير بأهل بيته يلا ادعي لعلي حبيبك ماكو خبر عنه
خطية كسرت كلبي تحجي وتدعي وعبالك الحجي الله يرحمه كبالها بس محد يلومها الضنا غالي اغلى من الروح كعدت يمها واني اهدي بيها بهذه الليلة وبعد ما اتصل كرار وكال راح اشوف موقع بي المصابين من الحشد محد بينا غفت عينة وكل شوي نتصل بكرار بس هو ميجاوب وهالشيء شعل النار بكلوبنا القلقه..

-بهاليله ما غفت عيني للصبح واني اشوف فراشه خالي
صوته غايب صعب شعور من تتعود على شخص ويغيب فجأة غياب علي عمق جراح اهلي بداخلي
وعبالك انعاد عليه موقفهم واحد واحد..

كرار..

-بأسبوع واحد نفسيتي تدمرت والقلق دمرني وعرفت المعنى الحرفي لكلمه غياب الاخ يكسر الظهر..

-ما عندي يا ناس والله ما عندي بهاي الدنيا بس هذا الأخ وربي معتبره ابني  وتعرفون بغلات الابن هيج غالي علي عندي اشوف بي الدنيا وماعندي سند وحزام ظهر غيره واليوم احس الدنيا لوت ذراعي بي..

-اصعب ايام مرت عليه من ادور عليه بالمستشفيات لو بثلاجات الموتى والله دمار نفسي شامل ولازم بعد كل هذا ترجع للبيت قوي وتخفي خوفك وقلقك لان ما يتحملون اباوع الامي احس اي خبر مو زين تنتهي التفتت لنورا الي بعيونها ضياع وشبه عايشه اوف ياعلي دومك شالع كلوبنا..

-من رجعت من الدوام شربت مي وطمنت عليهم وطلعت وجان جعفر منتظرني وهذا الثاني هم الله يساعد كلبه كلما يعجز من البحث يصيح ربي والله كسرة لؤي لساها بكلبي لا تكسرني بالثاني..

-بعدنا ما طلعنا ودك تلفوني باوعت بس رقم وجعفر  يصيح فوك راسي ارفع الخط يالله والله حتى توترت من رفعته بالبدايه خابت امالي لان مو صوت علي بعدها اجاني صوت شخص غريب احجي ويا واحس ايدي ترجف وجعفر نفس حالتي واكثر يمكن..

-بهت لوني واني اسمعه يححي وانو اروح على  فلان مستشفى والي عرفته منه الحشد الي تعرضوا لقصف  هنا ناقلين عدد منهم وعددهم جان اربع جنود اثنين استشهدوا واثنين بحاله حرجة اليوم شفنا باجاتهم واغراضهم واتصلنا بيكم..

-عيوني قفلت واحس كلامه ضربه قويه على راسي لا ياربي الا علي اخذ من روحي من عافيتي وانطيهم لعلي وخلي يرد سالم النا..

جعفر..يلا شنو منتضر خلي نروح نشوف..

-لحظات صعبه عيني على البيت وحاير شحجيلهم جعفر من شافني وعبالك عرف شنو يدور براسي..