المخلص "باللهجة العراقية "

البارت الثالث

المخلص..
البارت الثالث..
بقلمي رسل..
rasolaa7

انستا Rasolaa7

تعليقاتكم بين الفقرات+ متابعه الحساب حبايب..

شايف من تظل تنعاد الأيام
نفسها وماكو شيء بيها يتجدد
يجي چم باچر وما يختلف شيء
نفس البارحة بس عمرك ازيد
ساعتها العمر مستعمل يصير
واحلامك شوية شوية تنهد
صح ينكتب عايش بالسجلات
بس انتَ مجرد رقم ينعد
اي مثل الهوا الـ بالمگبرة يدور
لا تخنگ ولا يشتمك احد
اكبر مشكلة يواجهها الانسان
اذا على المشكلة يبدي يتعود..

-عفته بالكاع ويغلط عليه ويتلوه من الالم وصلت يم الباب وخايفه اتلفت عليه ياربي يبقى الظلام بس اطلع ركضت برا ما اشوف شيء اتخبط من مكان لمكان ادعي ودموعي تنزل ساعات عشتها رعب برعب واخذتني
رجليه بمكان اني دخلته وشهكت برعب من اتخلت ايد
على حلكي يمنع صوت حتى انفاسي..

-ضوه خفيف لايت انارته معدومه شهكت واني اشوفه
كبالي هاي العيون الي مستحيل تنسي..

-همس بصوت ناصي.. اش ولا صوت افجر راسج وحك علي..

-يربي هو والله هو وحتى صوته نفسه بس هسا عنده لحيه وملابسه مثلهم بلعت ريك بتعب
وكلبي دكاته يسمعها هو والي واكف كباله من كد الخوف والتوتر.. انت شجابك هنا نزلت دموعي.. يعني
انت واحد منهم واني عالجتك ليش بس كلي ليش ضحكتوا علينا؟!..

-اش ولا كلمه راح اوخر ايدي يحجي باقناع وعينه عليه شجابج هنا بهالخيسه خرب بحضي الك**** شجابج يمهم..

-عفيه احلفك بغلات امك طلعني منا والله راح يذبحوني
كتلته والله يمكن مات اي مات المكص طب بطنه
مو واضرب على وجهي اتهسرت من الخوف واتوسله
اذا تحب امك طلعني منا..

-بس كولي منو الي كتلتي احجي على كيفج ما اسويلج
شيء والله..

-هو هذا يصيحون اله امير ابو الملهب مدري المهلب
هو والله راد يعتدي عليه وكتلته مات شوف الدم مات
بس هو يريد ياخذ شرفي يستاهل مو عفيه لا تسويلي
شيء الله يخليك بداعة روحه البريئه..

-حجيت اخر كلمات بدون تفكير هو فتح عيونه البدويه
واحس داخله تكسر اجزاء امده لساني خطيه..

-بعد نضره عني والتفت على الولد ورجع يباوعلي مبتسم بقهر سحبني وباس راسي بفخر.. والله لبوة العراقيه بوكت الشده..

-فخر انتي فخر جلب وفطس عاشت ايدج بس قصرتي لو كاصه **** حتى تشوفينه شلون بعد يتقرب ابن الزفره..

-دنكت بخجل لسانه فالت جنت لابسه ملابس مال
دوl عـش هو طلع.. انتظروا دقايق وراجع..

-وفعلا ما طول رجع بيده نقاب.. لبسي واطلعي ويا
علي بطل هذا امني وانتي ويا والكلب داعيلكم..