المخلص "باللهجة العراقية "

البارت الخامس عشر

المخلص..
البارت الخامس عشر..
بقلمي رسل..
rasolaa7

انستا Rasolaa7

سفر متعب تشيل العين
اليحمل جنطتة بجتفه يروح منين
يعالم فهمي كد جرحي
والبكلبي على كد حلمي
الحلم كون انفرد بالروح
واكلها من الجسد طلعي
اليتعب من وكت يستاحش الدنيه
وتضل بعينه بس تكضي ولاتكضي
وكضى الوجنه ملح دمعي..

-بعدنا على كعدتنه والحجية تسولف ويانا
وجان تكب العيطة جان كلام بصوت عالي وعبالك عركة يا ستار شكو ولجن حجتها الحجية واحنه كمنا على حيلنا وطلعنه برا حتى نعرف شكو اول ما طلعنه صارت بوجهنا لارا الدخلت وجهه اصفر وخايفه..

-شبيج يمه شصاير؟!..

-يمه هذا جعفر حجيتها كوه واخذت نفس يتعارك ويا
ابوه وعمهم تخربط يمه يمكن راح يتذابحون بينهم
كلش صاروا..

-يا ستار ياربي ما يخلص هالولد من هذا الما يتسمى
اب انطوني عباتي اروح الحك الولد اشوف شكو..

لارا.. طلعت امي واني كعدت بتعب جسمي كله يرجف
من منظر جعفر وشلون خزرني اطب جوه من رجعت
وشفتهم واكفين يتعاركون جنت احجي على ابويه واكول ماكو اتعس منه لا والله اليوم شفت ابو جعفر
وغيرت كل تفكيري معقولة اب هيج يجرح ابنه وكدام
خلك الله كلهم..

-كمت غسلت وارتاحيت بغرفتي من نزلت جانوا امي
واخواني راجعين ويحجون على ابو جعفر وشلون دمر
ابنه وصار هذا الحديث الشاغل بيتنا يا حجه جعفر
يا ابو جعفر..

-بالليل قبل لا انام وصل منه مسج.. لارا وربي تعبان
خلي اخطبج واخذج واهج وارتاح..

-بس اني ما كلت موافقة جعفر انطيني وقت ما اعرف
افكر هيج والله احس روحي ضايعه..

-شوكت تحسين بكلبي كل الي حجيته الج وبعدج تفكرين هذا هو لارا بكيفج الظاهر ذليت روحي واني
اتوسل بيج روحي يبنت الناس الله ومحمد وعلي..

-طلعت روحي مو عبالك كم كلمه لا احس الهوا انسحب
من الرئه مو هيج قصدي هو ما يفهمني هو خلاني اجرب مشاعر واحاسيس يمكن اول مره احس بيها
اني شيء جنت بعيده عن وحتى بعيد عن تفكيري ونفرض عليه اي صار غصب عني افكر بي وبكلامه
وتالي هيج يكتب اني ما اريد اجذب عليه ولا اريد اخطو خطوة ويا اني مترددة منها..

-مو هذا قصدي جعفر انت الي مفروض تفهمني وتحس بيه اني ما جذبت عليك اني عقلي متشتت والله بس انطيني فترة خلي افكر صح خلي اعرف عنك اشياء
بعيده عن كلام الحب الي تحجي وياها طول عمرها
متجاهله عاطفتها وتفكر بمنطقية وعقل وانت بكلامك
احس بفترة قصيرة خليت العاطفة تثور على عقلي..