المخلص "باللهجة العراقية "

البارت العاشر

المخلص..
البارت العاشر..
بقلمي رسل..
rasolaa7

انستا  Rasolaa7

-تصويت وتعليقاتكم على الفقرات حبايبي..

‎حتى الأيدي التي أمتدت إليك لتساعدك
كان الله هو من سخّرها لك ..

-هي باوعتلي بقهر.. بس ابويه ما يقبل وين تبقين لعد
عود منا لما ابوج يطلع من الموصل الله كريم تنحل..

-انتفضت ودموعي تصب عليت صوتي اريد مو بس
رجل خالتي يسمع لا اريد الدنيا كلها تسمع.. ما اروح
يعني ما اروح وابقى انتظر ابويه عسى ما انام بالشارع
عسى ما تحترك الدنيا ما اطلع وابويه ما اعرف شنو
مصيره فاهمين ما اطلع اصلا حتى جنسيه ما بقتلي وين
ماخذيني وياكم واعوف ابويه هنا..

-هي كامت وتهدي بيه واني تهسترت بعد الي سمعته منها انفتح الباب ودخلت خالتي مرعوبة.. شبيج نورا
شبيج حبيبتي شكو؟!..

-صحت بغضب.. ما اروح روحي كولي لرجلج مو بكيفه يسفرني ما اطلع من العراق تردون انتم الله وياكم بس مال تجبروني اروح وياكم ساعتها ما تشوفيني هنا والله خاله ما ابقى..

-ولج هسه احنا سافرنا وهيج تخبلتي اكعدي يا عيني
مو فرفحت روحج ليش تسوين هيج بنفسج شجاج..

-شبعت بجي وخالتي تهدي بيه ورزلت حتى سمر لان
حجتلي هديت من حالي وطمنت خالتي هي طلعت واني
اخذت التليفون ونزلت للحديقه الجو بي بروده بس رغم
هذا ما احس بيها من نار كلبي الي مشتعله..

-فتحت التليفون جان بي رقم علي ورقم لارا بمنو
اتصل تعبت واني حايره تالي دكيت على علي ما عندي
غيرهم اذا مو هم يساعدوني اهج بالشوارع وارجع
للموصل ولا ابقى هنا..

-ما رن هواي وجاوب واني شهكاتي منعتني من الكلام
واجاني صوته يصيح.. نورا شبيج منو وياج احجي
لا تخبليني؟!..

-رجعوني يمكم الله يخليكم رجعوني بطلت حتى خالتي
ما اريدها حجيتها بعبره خانكتني وكلب محمل قهر..

-بس هدي حالج واحجي شكو بعيونا نخليج بس احجي
شصار مو عقلي شطح لخاطر الله بس اهدي واحجي..

-سديته منه غسلت وجهي وتنفست اريد الشهكه تروح
رجعت اتصلت بي بعدما شفت كم اتصال منه وبديت
احجي عن سفر بيت خالتي وانو اني ما اريد اروح
وياهم..

-هو تنهد هذا هو روحي نامي الباقي عليه ولا تحجين
شيء بعد ابد مشي الوضع عادي وما يصير الا الي
تردينه انتي..

-معتمده عليك لا تخيب ضني اترجاك..

-روحي نامي ولا تفكرين بعيني انتي وباذن الله ما يخيب ضن الج..

-سديته منه ورجعت للغرفة سمر نايمه واني شنو الي
ينومني بعد يعني اني عايزه قلق يطير النوم من عيني
من حقهم يسافرون من حقهم يعيشون بس مو من حق
اي احد يجبرني على شيء اني ما رايدته لو يجبرني
انو اعيش بعيد عن ابويه هو منو الي بقالي غيره
الوحيد الي عايشه على امل شوفته هو ابويه وبس..