المخلص "باللهجة العراقية "

البارت السابع

المخلص..
البارت السابع..
بقلمي رسل..
rasolaa7

انستا Rasolaa7

مَن انتِ ؟
انا حُواء ياعزيزي
انا الذي أطُلق عليها
" بُستان الربيَع "
وبـ لحظِة أصْبَحَ ربيعِي
نار تُلظى ، شعُلة من لَهَب
اجعل كُل من يتَقَدُم نحُوي
رمَاداً .
ولكِن كيف تحملتِي كُل هذا ؟
انا غادة حَدٍيديَة ياسِيدي ، لاتُقلل مَن شأنِي
فَ انا مَن شهَد القران على كِيدها .
عجباً مَن اين تجدينَ هَذا القوة ؟
انا زمُرد ياعزيزي ، القوة من تجدنِي .

بوجدان " نبأ محمد "..

-ببيت من بيوتنا العراقيه البسيطه طفل يلعب وداير
مدايره العابه مطشرات ما يتجاوز عمره الثلاث سنوات
شابه واكفه على الطباخ تطبخ وكل شوي ترجع وتشوف هالولد خاف ياذي روحه خاف يخلي شيء
بحلكه ويغص حاله حال هواي اطفال وامهاتهم تركض
وراهم وتتعب وياهم بهالعمر..

-بعز الظهرية يندك جرس البيت وتطلع الام وما تدري
شنو الي منتظرها واي فاجعة مقبله عليها لتعصف بيها
وبعائلتها وتشتتهم..

-حنين تروح تشوف منو بالباب وترجع بعدما تايس
تسمع جواب مجرد الجرس ندك وراحوا يمكن جهال
المنطقة يمكن بالغلط عادي تصير هواي..

-ويا دخولها للبيت تشهك وتخلي ايدها على حلكها ترجع
تضرب على وجهه بقوه وهي تشوف الروح الصغيره
تشوف البراءة مذبوحه كدام عيونها..

-وتركض على الطفل تخونها قوتها وتضرب على وجهه ام وتشوف ضناها بهالحال شلون يصبر كلبها
مذ..بوج والدم ماخذه..

-تشمه وتضرب على صدره وعلى ظهره بس تريده
يكعد ولك يمه اروح فدوه لوجهك افتح عينك ولك
يمه لا تفرفح روحي فرفحت روحها والنذل كبالها
هو يتقدم عليها وهي ترجع والطفل بحضنها ضامته..

-ما جان مغطي وجهه ولا جان خايف بالعكس جان
متلذذ بالي يسويه الكاميرا ما تعرض الصوت الكاميرا
ما نقلت معاناتها وصراخها ولا كدرت توصل صوتها واستنجادها جانت مجرد صوره وهالصورة
جانت كفيلة بشرح حالتها الي تفتت الحجر..

-لحضات مرت على ذاك البيت توقف بيها الزمن
والساعة تعطلت
الناس ما يدرون بالي صار والمرة الوحيدة تقاوم وتركض بابنها من مكان لمكان ركضت برا وهو وراها
ونحبست بالاستقبال ونحبست الانفاس وياها نص ساعة
عدل ويطلع النذل متلذذ بالانتصار ناسي جريم..ته
وناسي عذاب الرب يطلع ويمشي بطوله عادي ولاجن
ذب..ح ام وطفلها ولا جن هدم بيت كامل وحرك
كلوب متلهفه..

زمرد.. بجيت غصيت بالبجي وهو يحجي ويسحب النفس كوه العبره خنكته وما بجه ولا نزلت دمعه منه ورجع يكمل وهو بدون ما يحس على نفسه قابض على ايده بقوه..