المخلص "باللهجة العراقية "

البارت التاسع عشر

المخلص..
البارت التاسع عشر..
بقلمي رسل..
rasolaa7

انستا  Rasolaa7

صباحكم سعادة وراحة بال..

أمس عرضوا عليّه الدنيا كُلها
وما خِذلتَك..

-فرفحت روحي من كميه هالاهاين دفعتهن اثتينهن
وانهاريت غلط وفشار واسمع عمتي تصيح عليهن كوه نزلن واني سديت الباب وكعدت وراه كطعت شعري
راسي ضربته بالحايط وكلامها جان الحدث الاخير
الي فقدت بي اخر ذره من عقلي الي فقد قدره التحمل..

-عيني على ابني ودموعي تصب ليش هيج البشر قاسي
ليش هيج يصير بيه كلما ابتسم والدنيا استكثرتها عليه
وكفختني بكفخه من كفخاتها الموجعه..

-كلبي يوجعني وكلامها يدك بالعظم بشر اني شتصير
قوتي مو كادره بعد اتحمل خصوصا هيج كلام جارح
كلام ظالم لدرجة يخلي روحك هشه وتنكسر بسهوله..

-بهذا اليوم ويمكن لاول مره اتاثر لهالدرجة ما اعرف كلامها ما كدرت اتجاوزه لو التعب بدا يتمكن مني
جسمي صارت بي رجفه واحس روحي صخنت علاوي كوه كمت سويتله ممه ونومته ونمت بصفه راسي يوجعني واحس باي لحضه ينفجر..

-فتحت عيني الساعه بثمانيه بالليل علاوي يصرخ صراخ ومن صوته مبين جوعان اريد ارفع ايدي واخذه
ما اكدر بجيت واني احس بالضعف هو يبجي واني ويا
ولك ماما اسكت ما اكدر اكوملك والله ما اكدر يارب
عيني ابني فرفح واني راسي ما اكدر اشيله عبالك نشليت اي يمكن نشليت ليش ما اكدر احرك جسمي..

-علاوي صراخه زاد وفرفح واني بس دموعي تصب
العجز الي حسيت بي بهاي اللحظات دمرني وشكل خوف بكلبي معقولة يعني نشليت وبعد حتى ابني ما اكدر اهتم بي معقوله هاي ايدي بعد ما تكدر ترفع علاوي وتشيله وتحضنه معقوله صرت عاجزه يعني
شنو بعد هيج راح تصير حالتي بس نايمه ربي رحمتك
هواي عليه هالشيء وما ضلت طاقه بجسمي..

-اسمع الباب يندك وما اكدر اكوم افتحه جانت اخته الثانيه بالباب كسرت الباب وهي تحجي بقلق.. زمرد
افتحي لج زمرد احجي وياي فدوه ابنج فرفح ولج تسمعيني زمرد واسمعها تصيح.. يوم شسوي ما الها
صوت الله لا يوفقجن سدن وشذى يوم البنيه الولد فرفح
وما الها حس..

-كسرت الباب وما كدرت افتحه بس عيوني تباوع بارجاء المكان كلبي تكطع على علاوي وصوته يدك بكلبي بس ما اكدر لا اكدر اكوم ولا اشيله ولا اعرف
الي بيه شنو غير بس وجع كلبي الي احسه مقبوض بالم
مو طبيعي..

-ما اعرف شكد مر وحسيت على صوت دك الباب قوي
وبعدها نفتح والقلق مرسوم على وجه زينب اخت المخلص وفداء الي من شافني بدون حجاب دار وجهه
وراح شال علاوي وهو يهز بي بمحاوله يسكته ويهدي
من حاله الصراخ..