My Gorgeous Boyfriend

ep19

ဆိုးလ်

အမတ်အင်ဆူယောလ်သည် စာဖတ်ခန်းတွင်တဦးတည်းထိုင်ကာ ကြိုးဖုန်းနဲ့ဖုန်းပြောနေသည်၊ အနည်းငယ်ဖြူလာသောဆံပင်မွေးတွေနဲ့ ဆံပင်ကိုအပေါ်ကိုသပ်တင်ထားသည်၊
အိုမင်းလာသည်ဟုထင်ရသော်လည်းချောမောနေသည့်ရုပ်ရည်ဖြစ်၏။

လက်ဖက်ရည်စားပွဲသေးလေးပေါ်မှာ
အခါးရည်ခွက် တခွက်ကလည်းရှိနေသည်၊

သူအစဥ်အမြဲသောက်လျက်ရှိသောအခါးရည်ဖြစ်သည်၊

'' ပြောပါဦး မောရိုကိုကကိစ္စကိုငါ့ကိုကိုင်ခိုင်းတဲ့အကြောင်းအရင်းလေး''

''(ကျုပ်ကိုယ်တိုင်လုပ်ရင် ခနလေးအတွင်းဂျွန်သိသွားမှာပေါ့ ၊  စိတ်ချပါ ခင်များအတွက်အကျိုးအမြတ်ရှိပါတယ်) ''

'' မင်းတို့နှစ်ယောက်ကြားမှာဘာကိစ္စတွေပဲ ဖြစ်နေဖြစ်နေ ငါ့အပူမဟုတ်တာကြောင့်
ငါ့ရပိုင်ခွင့် ငါရပြီးတာနဲ့  လက်ရှောင်နေမှာနော် ''

''(ခင်များအကြောင်းကျုပ်မသိတာကျလို့ဗျာ
ဟုတ်ပါပြီ ခင်များလိုချင်တဲ့ ရှေ့နေရုံးကိုကျုပ်ပေးမယ်.... ခင်များကတော့ကျုပ်အတွက်နောက်တခုလုပ်ပေးရအုန်းမယ်)''

'' ပြော.... ၊ ခနလေး မင်းခိုင်းသမျှငါခေါင်းငြိမ့်ပေးနေလို့ခိုင်းဖက်တယောက်လိုမြင်နေလို့မရဘူးနော်.... အပေးအယူမျှနေသေးလို့သာမိတ်ဆွေတွေဖြစ်နေတာ.... ရေစက်ကုန်သွားတဲ့အချိန်ကျရင်တော့ ငါ့ပစ်မှတ်ကမင်းလည်းဖြစ်သွားနိုင်တယ် ''

အမတ်အင်ပြောတော့တဖက်ဖုန်းထဲကလူမှခပ်ဖွဖွလေးရယ်လှောင်နေသေးသည်၊

''( ဟုတ်ပါပြီဗျာ ဟုတ်ပါပြီ  )''

ထိုကောင်လေး၏အသံမှာအနည်းသြရှသည်၊အပြင်မှာတကြိမ်လောက်သာတွေ့ဖူးသေးသည်၊အင်ဆူယောလ်လိုချင်တဲ့အရာတွေကိုဒီကောင်ယူလာပေးနိုင်သည်၊သူမျှော်မှန်းထားတဲ့အရာတွေကနောက်ဆုံးရောက်လာတော့မယ်၊

သမ္မတလား? မဟုတ်ဘူး သမ္မတဖြစ်ချင်တာမဟုတ်ဘူး.... ၊

ကြိုးဖုန်းကိုချလိုက်ပြီး အခါးရည်ကိုတလုတ်ထပ်သောက်လိုက်ပြီးမှသူ၏အတွင်းရေးမှူးမလေးကိုခေါ်လိုက်သည်၊