Unicode
ရေကူးကန်နားမှာလမ်းလျှောက်လိုက် ခုံမှာထိုင်လိုက်နဲ့ မိုးစက်နွေ ဖုန်းတစ်လုံးကိုင်ကာဝရန်တာမှာ ဂနာမငြိမ်ဖြစ်နေတယ်။ ညနေခြောက်နာရီညစာစားပြီးကတည်းက လမင်းသော်တာဆီဖုန်းဆက်မယ် မဆက်ဘူး ဝေခွဲမရဖြစ်နေတယ်။ဖုန်းကနာရီကိုကြည့်တော့ ရှစ်နာရီထိုးတော့မယ်။ဒီအချိန်လောက်ဆို အားလောက်ပြီမှတ်လား။မိုးစက်လည်း အချိန်ထပ်မဆွဲချင်တော့တာမို့ဖုန်းခေါ်ဖို့ရာနှိပ်လိုက်တယ်။တစ်ဖက်ကဖုန်းကိုင်လိုက်ရာ မိုးစက်လက်ဖျားတွေအေးစက်လာတယ်။
" ဟယ်လို "
မိုးစက်မျက်မှောင်ကြုံသွားတယ်။တစ်ဖက်ကအသံက လမင်းသော်တာ အသံမဟုတ်တာသေချာတယ်။
" ဟယ်လို လမင်းသော်တာလားမသိဘူး "
မိုးစက်လည်း အများကြီးမစဉ်းစားတော့ပဲမေးလိုက်တယ်။
" လမင်းသော်တာမဟုတ်ဘူးကွယ်။အန်တီကသူ့အမေပါ။ဘယ်သူလို့ပြောပေးရမလဲ။သူအနောက်ဖေးရောက်နေလို့ "
" မိုးစက်နွေလို့ပြောလိုက်ပါ။တကယ်လို့သူမအားရင်လည်းနောက်မှပြန်ခေါ်လိုက် "
မိုးစက်စကားတောင်မဆုံးသေးတစ်ဖက်ကလမင်းရဲ့အမေဖြစ်သူက
" လမင်းရေ ဖုန်းလာနေတယ်။မိုးစက်နွေတဲ့ "
လမင်းကို ခပ်ကျယ်ကျယ်လှမ်းခေါ်လိုက်တာကိုအတိုင်းသားကြားနေရတယ်။
" အမယ်လေး ဖြည်းဖြည်းလုပ်ပါဟယ်။ ငါ့ပန်းကန်တွေကုန်တော့မယ်။ဖုန်းလေးလာတာကိုဘာတွေပြာယာခတ်နေတာတုန်း "
" ခနလေးနော် သမီးရေ။ သူကနမော်နမဲ့ရယ် "
" ဟုတ် ရတယ် အန်တီ "
တစ်ဖက်မှ သမီးကိုပေး အမေ ဆိုပြီးလမင်းကဖုန်းကိုယူလိုက်ပုံရတယ်။နောက်တော့လည်ချောင်းရှင်းသလိုမျိုး ချောင်းကိုတစ်ချက်ဟန့်တာ ကြားလိုက်တယ်။မိုးစက်လည်းအသံမထွက်အောင်ရီမိတယ်။
" ဟယ်လို မိုးစက်နွေလား "
" အင်း ဟုတ်တယ် လမင်း "
" ဖုန်းဆက်တယ်ဆိုတော့ ကိစ္စရှိလို့လား "
" ထွေထွေထူးထူးတော့မရှိပါဘူး။ဘာလဲ။မိုးစက်ဖုန်းဆက်တာမကြိုက်လို့လား "
ESTÁS LEYENDO
Our destiny
Fantasíaကံကြမ္မာတွေကိုသာ ကိုယ်တိုင်ရေးရဖို့အခွင့်အရေးရှိခဲ့လို့ရှိရင်လေ မင်းနဲ့သံသရာအဆက်ဆက် တွေ့ခွင့်ရဖို့ဆုတောင်းမိမယ်။ ဆိုးရွားလှတဲ့ကံကြမ္မာတစ်ကွေ့မှာတွေ့ခဲ့ရင်တောင်မှ မင်းကငါ့အတွက်လှပတဲ့ဆုတောင်းလေးပဲ။
