Unicode
လမင်း ဖြူဖြူဆီဖုန်းဆက်ပြီး ဘတ်စကတ်ဘောကစားတဲ့ကောင်လေး အခန်းထဲရှိလားမေးတော့ ရှိတယ်ဆိုလို့ မိုးစက်နဲ့အတူတူလမင်းတို့အတန်းရှိရာကိုနှစ်ယောက်သားလျှောက်လာကြတယ်။ လမ်းတစ်လျှောက်တစ်ချို့က လမင်းတို့ကိုသေချာလိုက်ကြည့်တယ်။လမင်းဘေးကပါလာတဲ့သူ့ကိုကြည့်တာနေမယ်။ဘေးကပါလာတဲ့သူက အရပ်မြင့်တာမို့လို့သူ့ကိုမော့ကြည့်တော့ သူကလမ်းကိုသာ အာရုံစိုက်လျှောက်တယ်။လမင်းလည်းပုတဲ့ထဲမပါပေမယ့် သူကိုကအရှည်လွန်နေတာ။လမင်းကြည့်နေတာ သူသတိထားမိတော့ လမင်းကို ဘာလို့လဲဆိုတဲ့သဘောနဲ့ မျက်ခုံးတစ်ဖက်ပင့်ပြတယ်။လမင်းလည်း ခေါင်းခါပြပြီး အတန်းထဲရောက်ဖို့သာလျှောက်ရတော့တယ်။
အတန်းထဲရောက်တော့လည်းထိုနည်းတူစွာ။ကျောင်းမတတ်သေးတာမို့ ဆရာမ မဝင်သေးတော့ အတန်းထဲရှိသမျှလူအားလုံးရဲ့အကြည့်ကို လမင်းတို့ခံရတယ်။ အထူးသဖြင့်မိုးစက်နွေကိုကြည့်ကြတာပေါ့။ဘတ်စကတ်ဘောကောင်လေးရှိတဲ့နေရာကိုသွားပြီးလမင်းက
" ဘတ်စကတ်ဘောအသင်းထဲကို မိုးစက်နွေကဝင်ချင်တယ်ဆိုလို့။အဲ့တာဝင်လို့ရတယ်မို့လား "
" သိပ်ရတာပေါ့။ မိုးစက်နွေဆိုရင်လူလိုက်စရာတောင်မလိုဘူး။ အမျိုးသမီးဘတ်စကောအသင်းနည်းပြက လူလိုနေတယ်ဆိုပြီး ပြောနေတာ။ မိုးစက်နွေဆိုရင်သူသိမှာပါ။ကျွန်တော်ပြောပေးထားပါ့မယ်။ဖုန်းနံပါတ်ပေးခဲ့လေ "
သူကစာအုပ်နောက်ဆုံးကိုလှန်ပြီးဘောပင်နဲ့ကမ်းပေးတော့ မိုးစက်နွေလည်းယူပြီးဖုန်းနံပါတ်ရေးပေးလိုက်တယ်။
" အဲ့တာဆိုရပါပြီ။ကျွန်တော် ခနနေလေ့ကျင့်ရေးသွားရင်း နည်းပြကိုသေချာပေါက်ပြောပေးပါ့မယ် "
" ဟုတ် ကျေးဇူးတင်ပါတယ် "
" မလိုပါဘူးဗျာ။ကျွန်တော်တို့အားကစားကိုစိတ်ဝင်စားသူတိုင်းကို ကျွန်တော်တို့ကအမြဲကြိုဆိုနေမှာပါ "
" အဲ့တာဆိုခွင့်ပြုပါအုန်း "
လမင်းလည်းကောင်လေးကိုနှုတ်ဆက်ကာ ဘာလုပ်ရမယ်မှန်းမသိ။ အတန်းထဲမှာပဲနေခဲ့ရမလာ။သူ့ကိုလိုက်ပို့ရမလား ဝေခွဲမရဖြစ်နေတယ်။
ESTÁS LEYENDO
Our destiny
Fantasíaကံကြမ္မာတွေကိုသာ ကိုယ်တိုင်ရေးရဖို့အခွင့်အရေးရှိခဲ့လို့ရှိရင်လေ မင်းနဲ့သံသရာအဆက်ဆက် တွေ့ခွင့်ရဖို့ဆုတောင်းမိမယ်။ ဆိုးရွားလှတဲ့ကံကြမ္မာတစ်ကွေ့မှာတွေ့ခဲ့ရင်တောင်မှ မင်းကငါ့အတွက်လှပတဲ့ဆုတောင်းလေးပဲ။
