[Unicode]------
" Kiss "
" အကိုပဲ အကြောင်းမသိတဲ့သူနဲ့ ချစ်သူမဖြစ်ချင်ဘူးဆို...ဒါပေမယ့် အကိုက ကျွန်တော့်အကြောင်းသိနေပီလေ..."
ရိပေါ်က လက်ဆောင်ပုံးများကြားလျှောက်သွားနေသော ရှောင်းကျန့်နောက်သို့ ဆက်လိုက်မသွားပဲ နေရာတွင်ရပ်ကာ ပြောလိုက်၏။
" အဲတော့..."
ရှောင်းကျန့်ကလည်း အရှေ့မှနေ၍ ရိပေါ်ဖက်သို့လှည့်ကာ ကြည့်လာ၏။သူ့အားစိုက်ကြည့်နေသူ ရိပေါ်၏ လင်းလက်စူးရှသော မျက်ဝန်းနက်များဖြင့် ရင်ဆိုင်လိုက်ရသောအခါ ရှောင်းကျန့်မှာ ဘာမှ မပြောနိုင်ပဲ စွံအ,သွားရ၏။ရိပေါ်က သူ့အား စကားမပြောနိုင်ပဲ စိုက်ကြည့်နေသူ ရှောင်းကျန့်အား မျှော်လင့်ချက်အပြည့်မျက်လုံးများဖြင့် ပြန်လည်စိုက်ကြည့်လို့နေသည်။
" အိုး...ရိပေါ်လေးတို့က ဒီမှာ ရောက်နေကြတာပဲ...အကိုလေးနဲ့ မမက ရိပေါ်လေးကို ခေါ်ခိုင်းလိုက်လို့ပါ...သူတို့ ဧည့်ခန်းမှာ ထိုင်နေကြတယ်..."
အခန်းတခါးမပိတ်ခဲ့မိသောကြောင့် အဒေါ်ကြီးက စကားပြောရင်းဖြင့် အခန်းထဲသို့ ဝင်လာ၏။
" အာ...အကိုက ကျွန်တော့်ရဲ့ လက်ဆောင်တွေ ကြည့်ချင်တယ်ဆိုလို့ ကျွန်တော်လိုက်ပြပေးနေတာ..."
" ဟုတ်ပါပီ...အခုတော့ ဆိုဂျွန်ကို အဒေါ်ကြီးနဲ့ ထားခဲ့...သားအဖေနဲ့ အမေကို သွားတွေ့လိုက်အုံး..."
ရိပေါ်က ရှောင်းကျန့်ကို တစ်လှည့် အဒေါ်ကြီးကို တစ်လှည့်ကြည့်ကာ စိတ်ချသည့်ဟန်ခေါင်းငြိမ့်ပြရင်း အခန်းထဲမှ ထွက်သွားတော့သည်။ ရိပေါ် ဧည့်ခန်းထဲရောက်တော့ အဖေဖြစ်သူနှင့် အမေဖြစ်သူက မျက်နှာမကြည်မလင်ဖြင့် ထိုင်နေကြသည်ကို တွေ့လိုက်ရ၏။
" အဖေနဲ့ အမေ ကျွန်တော့်ကို ဘာပြောစရာရှိလို့လဲ..."
ရိပေါ်က ပြောရင်း လီမင်ဆော့နှင့် ဂင်အွန်းဂီတို့၏ မျက်နှာချင်းဆိုင်တွင် ဝင်ထိုင်လိုက်၏။
"အမေက ပြောစရာမရှိပါဘူး...ကိုက သားနဲ့အမေကို အသိပေးစရာရှိတယ်ဆိုလို့ အမေလည်း ရိုက်ကွင်းမသွားသေးပဲ ထိုင်စောင့်နေတာ..."
YOU ARE READING
သဘာဝနှင့်တွေ့ဆုံခြင်း
Fanfiction[Unicode]-------- သဘာဝကို ထိတွေ့ခံစားခွင့်မရှိပဲ စက်ရုပ်တွေနဲ့ အချိန်ကုန်လာရတဲ့ ဝမ်ရိပေါ်... တစ်နေ့ သူ့ရဲ့စက်ရုပ်လေး ပျက်စီးသွားတဲ့အခါ... သူငယ်ချင်းဖြစ်သူ ဝမ်လေးအစား စက်ရုပ်အယောင်ဆောင်ဖို့ အကြောင်းဖန်လာတဲ့ ရှောင်းကျန့်.... This story is just a fanf...