البارت 13
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
و شما تنطفي الدنيـا يفز گلبي بضـوه عيـونها♥️
«»«»«»«»«»«««»«»«»«»«»«»«»«»«»«»«»
مشيت وافر براسي بلچي اعاين المنجل
لگيتة و فكيت عيوني اتفاجئت و انة اعاين
جارة وردة !!
لا هي وردية ولا هي بيضة بهالوسطة
شلتهة هاي طبيعية وانة احسبنهة چذبية
شميتهة ريحتهة ترد الروح
بس هذي منهو الجاباهة هين
واحنة مامش عدنة هين ورد ابدد
ولا بمزارع الجيران
معقولة هو جاباهة
لاا منين يجيبهة و ابوي و الولد بالمزرعة
و على ما اظنن الديرة كلهة مامش بيها هيچ ورد انة من انة و صغيرة نلعب
احنه وبنات الجيران يومية بمچان
الا كبل چم شهر بطلت العب عودن كبرت
لكت ابد موش معاينة هيچ ورد
و انة تقريبًا فارة كل المزارع الهين
حشيت وكل مشوار اعاين ليهة لو اشمهة
و اگولن هاذي منين
كملت و نگلت الحشيش
و رديت للوردة اخذتهة و مشيت
لاگوني علي بالسيارة وحمزة واگف يسولف ويا
عاين بأستهزاء للوردة وصار يصنف
ويضحكون
علي طلع راسة من الجام وهم يستهزء
اتگرب حمزة صوبي
لگفهة من ايدي و اخذها لعلي وهو يضحك علية
مشيت ورا واتوسلة يردهة
كفشهة علي من ايد حمزة
وحمزة سحبهة
بنفس الوكت
صارت طشار و اتطايرت كل شوي منهة بجهة
سكتت كوة كاضة روحي ما ابچي
حمزة اخذ الحشيش وراح
و انة وعلي مشينة نزرع
للظهر الشمس علت و الدنيا صارت تچوي
المزرعة صارت بووخة
علي گال اروحن اجيبن ماي وهاي صارت ظهر وهو ما رد
مشيت و انة ناوية اردن
لكت تذكرت المنجل ورديت شلتة وياي
طلعت من المزرعة و انة رادة عاينت من سياج البستان المشمش يشهييي
و انة جوعانة حييل
مشيت للباب دشيت و ركضت للشجرة
حشت منهة غسلتة من الحوض
وگعدت اكل
طلعت اتمشى بين الاشجار
سمعت حس خطوات انداريت وجمدت
و انة اعاينة واگف
و يعاين بخزرة و حاجبة مطيرة
نصيت فشلانة واسولف بگلبي ،
صخام امس موش طردني اشو رديت بكل صلافة
گال بحس خشن _ زهرة
، رفعت راسي فاكة عيني على وسعهة
مصدومة شعرفة بأسمي
غميت روحي ليش مو انة الگتلة
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
