البارت 30
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
- الما بي ريحتك ميمر على البال
و ما أخونك حتى بخيالي •
«»«»«»«»«»«««»«»«»«»«»«»«»«»«»«»«»
جاب الضماد لفاهن يالة سكنت و الشهگة راحت
گال بحس مطبگ ـ زهرة
وين اخذچ و اروحن وين گليلي
هين مچان يلمنة خاطر اخذچ لي و انة مطمئن
انة بعد ما اگدر أأمن و انتِ عد اهلچ
صرت اخافن اعليچ و انت عدهم اكثر مما اخافن و انتِ برة
گليلي وين اخذچ و اشرد
عليش ساكتة سمعني حسچ
زهرة ـ ثائر
، رد بحس مبحوح ـ ها يروح ثائر و ضوة عيونة
زهرة ـ تعبانة حيل
ثائر ـ انطيچ حيلي اذا جاس روحچ التعب
گعد جدامي و يعاين محتار
بداخلي چثير حچي و اريد اگولنة بس ما گدرت و طلع على شكل دموع
جر حسرة بقهر ـ احچيلي بوية شنهي المتعبچ
ما ردت ازيدهة علي عبن اعرفن همومة كافيات و زيادة و ولا يوم شاركني بيهن
لو شكالي
وگفت و هو وگف
، ثائر ـ هااه وين بوية
زهرة ـ طلعت بلاية محد يدري هساع فگدوني
و يدورون علي
يالة ديربالك على نفسك
تنهد بغمج و همس ـ انة حتى لو اوصيچ
اضل موش متطمن بس هم لخاطر گلبي
شگد متگدرين ابعدي عنهم
و اهتمي بروحچ عبن ماعدي شي يسوة غيرچ
زهرة بدموع ـ ان شاء الله
ثائر ـ يحرسچ الرحمن طايفتي
، ابتسمت ومسحت دموعي بالضماد من فوگ
زهرة ـ و يحرسك العينة ما تغمض و تنام
مشيت و كل چم خطوة يوصى وصية شكل الا ان طلعت
احس حتى وجعي راح
مشيت لخالتي نوف و احس كلشي مابية
، دشيت و ادعي كون الگاهة هين
لا تصيرلي مصيبة اكبر من راسي
اتنفست براحة من لگيت باب المطبخ مفتوحة دشيت و ندهتة
ـ خاالة خاالة وينچ
، طلعت مخزوعة ـ هاا هاا
زهرة ـ وين چنتِ جيت اعليچ ما لگيتچ
نوف ـ شعدچ جاية ذاك اليوم انة شگلت
گلت و انة امثل البراءة ـ خالة طلعت امي وجيچ انة و دمايتي
ما رحت لغيرچ بس ما لگيتچ
كمزت علية و شبكتني و تبوس بية
نوف ـ يا يمة يا عيني جعلني ميتة كون ولا طالعة اشو ايدچ
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
