البارت 62
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
انه الشط الجبير الشايف وعايف
شجابني كبال بيرك جني ما شايف !
«»«»«»«»«»«««»«»«»«»«»«»«»«»«»«»«»
يزيد ـ و هاي انتِ كلما تتعصبين تنترين علي و ما تحترميني، شفت صعب يقتنع
و انة منا اعصابي تلفانة عگب كل الصار
نزلت دموعي
گلت و انة اناشغ ـ
ـ بسك يزيد و الله ما اتحمل تضل زعلان مني
يزيد ـ اشش لا تبچين
اشو سكتي مسحي ادموعچ
عرفتة ما رضى عبن ما گال لا بوية و لا يبوي و لا زهرتي
متعودة اسمعهن منة هالنوبة ولا وحدة گال
همست ببحة ـ تعبت و الله عگلي رايح يوگف و انة محتارة شلون ترضى
موش تحبني و ما ترضى على تعبي و قهري لا تضل زعلان و تحاچيني برسمية
جر نفس بتعب و گال بهدوء ـ بشرط ما اسمعنهة بعد ابدًا
زهرة ـ صار و بعد ابد ما انتر و لا ارفع حسي اعليك
بس گلي خوبن ما بعدك شايل بگلبك علي
يزيد ـ لا شلون اشيل بگلبي اعليچ
بس عبنچ عزيزة و غالية علي حزت بخاطري چلماتچ
زهرة ـ اعتذر كلش يزيد
مدري شاحچي خاطر تنسى بس و الله متندمة كلش فوگ ما تتصور
يزيد ـ لا يبوي المهم عرفتي غلطچ و اعترفتي بي
و دامچ ندمانة ما رايح تعيدينة
و ثقي بالله لو ما ليچ مكانة بگلبي
چان ما اهتميت لكلامچ و رجعت احچي وياچ بلاية معاتب
زهرة ـ اعتدز
يزيد ـ بسچ يبوي و الله ما شايل بگلبي اعليچ گدر قطرة
زهرة ـ وين انت هساع رديت للبصرة
يزيد ـ اي يم عم ، سكت حس بنية يمة
گالت بحس ناعم ـ تأمر بشي اخر
رد هو بامتنان ـ لا بوية مشكورة ما تگصرين
بارك بيچ
رد علي و گال ـ يم عمامي انة
زهرة ـ اهاااا خيرر ان شاء الله وهاذي منهي الچانت تحاچيك
يزيد ـ شجالچ يبوي هاذي بنت عمتي
زهرة ـ شعدهة وياك
يزيد ـ گلتلهة تسويلي ليمون ضغطي فول
زهرة ـ و عليمن تگلهة بوية ؟
يزيد ـ هساع انتِ شمالچ و اذا گلتلهة
زهرة ـ ترضى اگل لابن عمتي حبيبي
يزيد ـ و هاذي شجابهة على هاذي
زهرة ـ انة هيچ احسبهة لهذا ما اريدن تگولهة لاحد غيري هاذي مالتي خووشش
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
