زحت اللثام

مشهد ❤️‍🔥

دشيت روحي تلوب عليهة

صارت حجرة جدامي فتحت الباب
التفتت خاطر اسدة
صارت بوجهي نوف

طبگت الباب بوجهة
و طگيت القفل

مشيت الهة حيلي مهدود
عليهة

نايمة و متغطية تگربت
گعدت على طرف الچرباية

عاينتلهة تون مبين متاذية
، همست خاطر لا تفز

ـ موجوعة يبوي كون بية و لا بيچ يا رويحتي
كون الوجع و العذاب بس لية و لا يجيس روحچ الترفة

كضيت ايدهة لو حيلي باد
، عقدت و صارت باسمي و مرتي

و لحد هاللحظة ما شابكهة و لا اگدر اخطي هالخطوة گبل
و اكثر شي اسوي اكض ايدهة
بس

رفعتهة لوجهي لو انتهيت
گربتهة اگثر

كتمت انفاسي عبن حارة خاطر لا تاذيهة
طبعت شفايفي على ايدهة

حيل باردة بعدت بسع
كثر ما اديهة باردة احس شفافي تچويهة
ضليت كاض ايدهة

بدي اخذهة لحضني بس من كثر شوگي و لهفتي عليهة يمكن اكسر ضلوعهة و انة موش حاس

انة بس بست ايدهة انتهيت و رحت لغير عالم الدور اشبكهة يمكن حتى عگلي يشخط

طلعت ما تحملت اضل اخاف اسوي شي اندم علي

خالتهة بس فتحت الباب صارت بوجهي
عگدت حاجبي و نترت ـ استغفر بالله

عفتهة تسولف وحدهة و طلعت
اخذت السيارة و گبل للولاية
اسوق بكل سرعتي

نزلت للصيدلية اخذتلهة علاج و عصارات
طلعت اخذت اكل و رديت بنص ساعة

دشيت للبيت دگيت باب المطبخ
جت خالتهة من يم الطباخ

عفتهة و دشيت للحجرة و سديت الباب
اعلگت الضوة و رحت عليهة

لساعهة نايمة رميت العلاليگ و تگربت مديت ايدي سحبت الغطة طلعت وجهة

مديت ايدي على كيف حركتهة على وجهة ، بعدت عاصر ايدي
ـ دخيلك يا رب رحمتك

همست بحس واطي ـ زهرتي يعيوني

بوية طايفتي تسمعيني
، رجعت حركت ايدي على خدهة

گلبي رجف وية هدبهة

فتحت لو احس توهة الدنية صبحت عندي
همست بحس مطبگ ـ موجوعةة

ـ گومي اكلي
خاطر انطيچ اعلاج يبوي

سحبت الغطة بعدتة شوي منهة
، نصيت عليهة حيلي يرجف

يمكن حتى هي موش مثل حيلي
صرت خرگة من كضيتهة

رفعتهة بالگوة لوما هي انة ما اگدر احركهة حطيت مخدة وراهة
گعدت

بعدت منهة اخذ نفس بقوة
رحت فتحت الشباچ
اجر نفس حيل