البارت 51
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
هسة انه خل افترض ايامي تنساهن
ماعندي يمك صور بالدصفة تلگاهن
«»«»«»«»«»«««»«»«»«»«»«»«»«»«»«»«»
دخت حيل اعاين لباب الحمام صاير يروح ويرجع انتچيت ع الحايط
و غمضت شوي وخفت الدوخة طلعت للمطبخ چانت امي گاعدة وحيدهة
گعدت جارهة بالگوة أجر النفس
فتحت عيوني بخمول عاينت ليهة
تعاين لجهتي دارت وجهة عني وگالت
_ شجالچ ما فكت الحمى منچ
_ ججج لساعهة
_ ما تاخذين اعلاج
_ ممابية اگومن
_ رقييية رقييةةة ويينچ
زهرة ـ ايمت جت
ام مهدي ـ گبل شوي
زهرة ـ اشو ما عاينتهة
ام مهدي ـ بحجرتي متمددة
جة حسهة من بعيد _ هاا هاا اسمعنچ گولي
_ تعالي اگلچ
شوي و دشت للمطبخ
_ ها گولي
_ اطي اختچ اعلاج
_ علاج شني شمالهة ؟
_ اعلاج حمى
، مشت للثلاجة جابت العلاج رمتة نصت باستني و راحت
طلعت امي حبة وانطتني ماي
رديت للحجرة اسحل بروحي سحل
ضليت على هذا الحال اسبوع ضبط
يالة گدرت اگومن لحيلي
گعدت من الصبح ع الشغل
طبت بعد وخلصت اجازتي
شمس ـ بيوم السبعة
گعدت الصبح نظفت البيت و انة الوب
كل شوي اخابر خلود
تحچيلي تحضيراتهن و انة
بدي اكتل روحي
عودك ذاك اليوم راضيتة و گعدنة و اتفقنة و گالي بعد ما تطلعين لوحيدچ
و انة دگيت صدري اي و عد عيناك
تالي ثاني يوم الظهر رديت لاهلي لوحيدي
بيت عمي حسين ببداية بيوت عمامي شوي بعيد
بس بنفس الفرع
گلت عادي و هم محد يدري
لبست و طلعت بسع
گبل لا اصل بيتنة
ندهني انداريت چان واگف بنص الشارع
سوالي حركة بايدة يعني بسيطة
ركضت لبيتنة اتردام
، هديت من عاينت امي بالطارمة
تريد تدش جوة
سلمت و دشيت
صعدت فوگ خابرتة
ما يرد صرت الطم خابرت عهد
ردت و حس هوسة يمهة
ـ هاا شميسة
شمس ـ اگلچ انتِ وين رديتن
لو بعدچن ببيت عمي
عهد ـ لا ردينة عليش تسالين
ـ سجاد رد لو بعدة
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
