البارت 20
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
اجي تعبان من الناس
و من حسبات البالي
و تلمني سوالفچ و انسى 🖤
«»«»«»«»«»«««»«»«»«»«»«»«»«»«»«»«»
نوف ـ اي اعرفهة شعدهة شتريد ؟
ام مهدي ـ عزمونة على عرس شاهر
نوف ـ ايمت عرسة ؟
ام مهدي ـ نهاية هذا السبوع
نوف ـ بيهة الخير عاد ابو مهدي لالة ؟
ام مهدي ـ اي اكيدن چا يعزمونة و نردهم
طبعًا احنة علاقتنة بعمامي مو ذاك الگد
هم بغير محافظة و بعيدين لهذا قلة نروح اعليهم
كملنة عشة و خالتي نوف ما رضت تضل
عبن احنة باچر نمشي ، اليوم ثنين
و العرس الخميس
و عبن احنة عمام و العريس و العروس ولد عم لهذا نلتم كلنة گبل اسبوع
يومية ببيت و عگب ما يفض العرس هم نضل اسبوع نروح الا تخلص السبعة
هم بالگوات يالة گدرت انامن
اگعدتنة امي من الفجر
كملنة شغل و تحضرنة و راحوا الولد ودوا الهوايش بالبستان و مشينة كل احنة
بالساعة او اكثر وصلناهم
الشارع چان مليان زلم و جهال
نزلنة و مثل كل نوبة اكلونة بالسلام
چانوا عمامي هم كلهم برة و ولدهم
عاد احنة دشينة ضلوا الولد و ابوي وياهم
اتلگتنة عمتي فردوس و نجمة و ماجدة
نسوان عمامي سلمنة و طلعن بنواتهم
و عماتي بالمختصر حلوگنة دارت بصفحة گد البوس
دشينة على حبوبة سلمنة عليهة ،
كل احنة حيل نحبهة عبن تعزنة چثير
گعدنة انة و رقية وحدة من هين و حدة من هين
وهي تسأل شلونچن و شحالچن
گامن سون ريوگ حچينة و گلنة متريگين ما قبلوا
حطوا الريوگ گعدنة النساوين لوحيدنة
اكلت لگميتن و گمت
گالن اكلي و رادن بس انة مالي نفس ابد
دلني ع المغسلة ، طلعت من الحجرة
خاطر اغسل ضليت افتر مدري وين صارت و هم بيتهم چبير
لگيت بت چانت تنزل من الدرج
سألتهة دلتني عليهة و راحت
رحت و انة اغسل سمعت حس ادبچ ع الدرج غسلت و درت وجهي صار زلمة بوجهي صفن بية عاگد حاجبة
و انة نصيت و رديت للحجرة خجلانة
گعدت و كل ما اتذكر صفنتة بية يجي ببالي ثائر
أنت تقرأ
زحت اللثام
Misterio / Suspensoجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
