البارت 2
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
انـة المـايدري منـة الدنيا شتريد
انـة الماعندة واهس حتى للعــيد
«»«»«»«»«»«»»»«»«»«»«»«»«»«»«»«»«»
گلت _ شعملت انة هي حطت الاكل المن عندنة للدجاج و گالت ودي وديتة و چبنة بالگع اشو هي ردت علي تريد تطگني
طلعت و انة جبت الگدور و جيت
سكتوا يعاينون امي بحيرة و هي تعاين و چنهة ما مصدگة لكت هيست كلامي منطقي وريمكن تعرف اختهة تهامة و تألف
سكتت عني و مهدي طلع و رقية دشت تخوزر موش عاجبهة
مشت للمطبخ و اخذت امي وياهة
و انة لحد راضاني لحد گالت شمالچ يا يمة
شلون صار خشمچ
سكتت مثل كل نوبة واطلع ليهم اعذار
دشيت للدار اغيرن هدومي
بدلت وصار راسي يوجعني
مچان الهطرة
رفعت ايدة اتلمس راسي صايرة
گلوب الله وكيل
بگد جف ايدي
اتعشينة و انة اون و اكل الوجع ما هدأ ابد
نامت مخاليج الله و انة الوب
و راسي يريد يطگ شعمل و يطيب ما اعرفن
مشيت لحجرة امي اطلب العون بلچي اعلاج شي
دگيت الباب مامش رد
رديت دگيت عاط ابوي بغضب _ ياهووو
_ اا انة بووية
_ ردي اخمدي شعدچ تدگدگين ،
رديت للحجرة خفت يطلع يسلحني
اذا موش هو اخوتي يهيسون حس الهبط
ظليت اتگلب بفراشي مثل السمچة المطلعينهة من الماي
مدري شلون نمت وعيت الصبح راسي ما وجعني الحمدلله بلچي طاب
گمت غسلت وجهي و مشيت للمطبخ
حاطين الريوگ و گاعدين
گعدت اكل بدون حس و بلاية ما ارفع راسي
گال ابوي بجمود _ عايني زهرة
من يبدأ الدوام لا تتأملين تردين هذا حدچ صرتي تعرفين تقرين و تكتبين لو لالة ؟؟؟؟
زهرة _ اا اي اي بوية
ابو مهدي_ چا هذا هو بعد مدرسة مامش خوش
_ خخوش
گالت امي _ و طلعة و لعب بعد مامش
انتِ كبرتي و صرتي مرة بعد شعدچ طالعة احد يحط اعليچ سالفة و ننفظح بين السلف
سكتت مصدومة ضربتين ع الراس توجع
شني ابطل دراسة انة هساعني نجحت من الثاني ابتدائي
احنة صح ما يخلونة نكمل لكت موش من الثاني نبطل
اقل شي سادس ابتدائي
لو ثالث متوسط
واكو يكملن كلية بالولاية
بس ابوية مدري شلون يفكر
رقية بطلهة بالسادس و انة اشو حتى ثالث ما كملتة
سديت هذا الموضوع لان اعرفن مايفيد لا توسل ولا اتقنع من يقفل بعد خلص
أنت تقرأ
زحت اللثام
Misterio / Suspensoجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
