البارت 12
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
عشت مرسال يم عميان
محد يعرف شبية
والساعي الخذاني بعيد
اخرس ماقرة البية
«»«»«»«»«»«««»«»«»«»«»«»«»«»«»«»«»
هي تعاين ليچ بايد المرة الولدتهة
گلبت الدنية وهي محتارة
شتگولن للنساوين
وعلى ابو شلون تنكسر فرحتهة جدامهن
بذيچ الايام البيت صار جحيم
وهي عافتچ وراحت لخالتي نوف و گالت التجي علي گلولهة ماهي ببغداد
بالمستسفى
اشهر يالة ابوي جابهة غصب عنهة
و جبرهة تداريچ وما تحسسچ بشي
يمكن هي اتعودت ع الوضع
او استخطتچ و سكتت و النساوين هم لامنهة عرفن موش رايدتچ
و تگولين يفرقون امي اكيدن بسبب هذا الموضوع و ابوي تعرفينة التضوج امي منة هو وياهة و التگولة تم حتى لو انتِ بتة
طول ما هو يحچي انة دمعتي تجري
اتندمت حيل شجاني سألت
لو ضالة ما اعرفن اخير
عبن حيل تكدر خاطري من امي اني شذنبي چن اني اختاريت اصيرن بت
ـ شمالچ زهرة عليش تبچين موش انتِ التوسلتي خاطر احچليچ
ـ اي لكت موقف امي حز بخاطري
ـ يمعودة شي راح ومضى و انة گلت ليچ موش خاطر تحقدين عليهة لكت خاطر تعذرينهة
بلعت ريگ وهزيت راسي بمعنى اي
ـ حلفي ما تتغيرين بتعاملچ
ـ. والله ما اتغير ابد
ـ عفية بيچ اگلچ عدي
ـ ها
ـ اردينچ بشغلة
ـ شني هي
ـ اخذچ لوحدة هين بحجة خطار
تگليلهة چم چلمة
ـ منهي هي
ـ گومي هساع غسلي واكلي وعگبهة ارتاحي
و اذا ما لگيت حل اطيچ خبر باچر نروح
ـ خوش
بس عفية اخافن امي تضربني
ـ جج امشي انة وياچ
مشى وياي للحجرة دشيت وهو بالباب عاينت رقية نايمة وامي مامش
مهدي ـ چا انة اروحن واكلي لا تخافين ما اخلي احد يجيسچ
زهرة ـ صار خوية
، راح مهدي و انة اخذت هدومي ومشيت سبحت واكلت ودشيت للحجرة نمت
للعصر گعدت علي حس سوالف واطي انگلبت علي ايدي ولساعني مغمضة
رقية ـ باچر يعني باچر
ام مهدي ـ انچبي ما تعاينين شلون عالگة بالبيت
و الدور منهو ياخذنة بعد عملتچ
رقية ـ ما علي انة العدي گلتة
ام مهدي ـ وليچ لا تشدين علي انة بس تفض هالطلابة بنفس اللحظة اخدچ و امشي
أنت تقرأ
زحت اللثام
غموض / إثارةجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
