البارت 35
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
شَمدريني، اليشوفك يوم
يخلص عُمره يتصفّن ♥️
«»«»«»«»«»«««»«»«»«»«»«»«»«»«»«»«»
ردينة لكل المحلات الطلعت منهن اشريت چم شغلة و رحنة لمحل فساتين
گال بحس عالي ـ اشتري اليعجبچ واذا گلتي لا اموتچ
چانن نسوان جارنة التفتت بنية وياهن فاك عيونهة على وسعهن
حطت ايدهة على حلگهة بصدمة و گالت ـ سجااد!!!
انة فلت وجهي و رجلي ثگلت
حبست انفاسي و عيوني ترمش
گال ـ اي خوية شلونچ خالتي ام مرتضى
گالت المرة ـ هلا وليدي الحمدلله انت شلونك اشو صاير ما تبين
سجاد ـ والله خالتي مشغول باچر خطوبتي
و ما عندي مجال امرلكم
ام عصام ـ مبروك حبيبي سبع سعادت ان شاء الله هاي خطيبتك
سجاد ـ اي خطيبتي و بنت عمي
ام عصام ـ شلونچ بنيتي
شمس ـ هلو خالة الحمدلله زينة
ام عصام ـ مبروك اعليچ يمة
الله يسعدچ ويا سجاد والله خوش زلمة
و اخو اخيتة و لو بس بنتي ، و اشرت على بنتهة
ـ شوي چبيرة چان اني گتلة گبع و اخذ
من الصدمة حتى ما رديت عليهة
سجاد ـ مشكورة خالة الله يحفظچ
ام عصام ـ وليدي سجاد والله غلاتك و معزتك من معزة ولدي عبن من صغرك تعودنة اعليك دوم وياهم
سجاد ـ الله يع غاليچ ويحفظچ
گالت المرة بضحكة ـ موش تخلينة بعد ما يجينة
، رديت بابتسامة ـ لا خالة هو براحتة
عزمهة و سلم عليهن و رحنة نفتر بالمحل و وجهي ما يگصة الطبر
شوي و رجعت بايدهة علاگة انطتنياهة
و گالت ـ هاذي هديتكم ولو مالهة قيمة بس ما اگدر اجي تعذرني
ضلوا يحچون شوي و راحت
عجبة فستان ماروني سألني عجبچ ما رديت علي
سجاد ـ شمس ولچ بوية شمالچ
گلبتي الخلقة
شمس ـ امشي خلنة نردن تعبت انة
سجاد ـ شجالچ فجأة ضجتي
ما رديت بس احس اعصابي ترجف حيل
عصرت ايدي
كضهة عصرهة بايدي
نترتهة منة و مشيت مشة وراي بسع
كض ايدي وگفني و زمخ بحس مصرور
ـ شمالچ مسودنة انتِ
جري عدل لا تخليني اتخبل اعليچ جدام العالم
شمس ـ هو انت من يوم يومك مخبل
، انة گلت هچي لو ذبيت علي بانزين
وريتة جر ايدي و مشى بسع
اصابعي تكسرن تكسير
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
