البارت 23
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
تگول شمس : مو صوچ الدرب چان الخلل بية
عفت عقلي و مشيت بشور رجلية
اصدلك من افوت اكبر احلامك چان
وكت گايم سلامي ترده منية
»«»«»«»«»«»«««»«»«»«»«»«»«»«»«»«»«
شمس ـ من التعب عفتهة تحچي و نمت ماحسيت الا باحد ينغني بمتني
فتحت نص عيني حسبالي هيِ
كفشتي صايرة على وجهي ،
وشال فطيم لافتة على عيوني وخرتة شوي و
درت لجهتهة نايمة !
درت لجهة الباب انصدمت فكيت عيوني على وسعهن عاينت هاذي رجيلن زلمة
وهذا طرف دشداشتة
لساعني ما رفعت راسي
هو بحركة سريع سد حلگي حيل و سحلني برة الحجرة
البيت كلة اظلم و الشال خانگني
، حاولت اخلص روحي منة ماگدرت
ادفرة و اضرب و هو ولا مهتم
صعد فوگ للحجرة دفعني
وگعت انة وهو يقفل الباب
وخرت الشال لا يخنگني بي زتيتهة و ابعدت شعري عن وجهي
رفعت راسي خايفة وهو صافن علي و چنة مصدوم ما تحرك ايدة بمفتاح الباب و وجهة علية
گال بوجة فالت ـ ششمس هاذي انتِ!!!
گدرت اطمئن من عرفت موش انة المعنية
وگفت لحيلي و حطيت الشال على راسي
و گلت بغصة ـ ايي انة شمس
موش هي توهمت بمچاناتتنة وسحلتني بمچانهة
جر حسرة بغمج و فتح قفل الباب
و گال ـ طلعي ، و دار وجهة مني لمحتة ابتسم
گلت بحرگة ـ امش وياي ادليك على مچانهة بالمضبوط
زمخ بحس مصرور ـ طلعيي گلتت
عافني و راح گعد ع الچرباية
مشيت علي وكلي حقد وقهر العالم كلة بگلبي
صرت جدامة گلت ـ عليش چنت ناوي تجيبهة هين لحجرتك!
سجاد ـ ما يخصچ و يالة برةة
شمس ـ سجاد والله ماتفيدك زهرة
و لا بيوم راح ترضى بيك
گلبهة موش بايدهة
رفع راسة فاك كل عينة
، بلع ريگ و وگف لحيلة
همس ـ شني شنيي
شمس ـ مثل ما سمعت سجاد
دفعني ومشة للباب ركضت ورا و انة اجر بي وهو يدفع بي
شمس ـ سجاد ابوس ايدك تگوللهة
سجاد ـ وخري بت ال...
انة اگول شني سبب هذا الرفض
اثاري فالح مخليهة على حل شعرهة
و ضالة تتمعشگ
شعبت ضرب و ادفع يالة گدرت اصير بالباب و امنعة
سجاد ـ وخري عني بس انزل أأدبهة
هالحيوانة و اعلم ابوهة شلون يربيهة
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
