البارت 27
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
انة ليل بلاية واهس ما انام
شلون لو صرت انت واهس ليلي
«»«»«»«»«»«««»«»«»«»«»«»«»«»«»«»«»
صار العشة ضلوا حنان وشاهر اتعشوا و ورا التعلولة راحوا و انة صرت الوبن
بدي امشي وياهم يوصلوني
هو چن حس بية و طلع شايل نقالة
الا راح يالة ركدت بگاعي
راحت حبوبة نامت و احنة صعدنة فوگ
نكمل تعلولتنة
شوي و خابرت عمة فردوس ردت عليهة سراب
گالتلهة حبوبة تگول عودن خلهن ينزلن ينامن يمي
فعلًا انة عگب ما فضت التعلولة نزلت
جوة دشيت للحجرة
هي گبل فزت تريد ماي رحت اجيبلهة سمعت حس برة عاينت من الشباچ هذا سجاد يخابر
بسرعة رحت وديتلهة الماي و رديت
فتحت الباب على كييف و مشيت على روس اصابيعي تگربت للحديقة اكثر
سمعت نهاية كلامة
گال ـ اي موش امس مريتلچ
ـ اي امر
ـ لالة هساع ما اگدر
ـ بويية والله تعبان شمالچ
ـ جاي جاي بس لا تتسودنين
، عاينلي و دار وجهة ولا مهتم
مشى باتجاه الباب و گال
ـ بلاية ما ادگ الباب تطلعين
طلع و انة بمچاني مصدومة
عليمن راح هذا بتوالي الليل
و منهو هاذي الچانت تحاچي
، جريت نفس بقهر و رفعت ايدي امسح عيوني
شافني بس عندة عادي و ضل يحاچيهة
وراحلهة جدام عيني چا شگد نذل
و الانذل منة گلبي الماعرف يختار
دشيت جوة تغطيت و دموعي زادن
و عگلي يفسر بكيفة
هساع اكيدن طلعت تلگتة و شبكهة
لو باسهة
شبعت بچي الدور النوم طار من عيني
ضليت اتگلب و ابچي الا ان نمت و دمعتي على خدي
گعدت ثاني يوم عاينت للساعة انصدمت بالعشرة و شوي ، احنة هين بالعادة نگعد من الصبح
كلنة متعودين هچي
واذا حيل حيل تأخرنة نگعد بالثمانية
گمت صفطت فراشي و طلعت غسلت
رحت لحبوبة چانوا گاعدين كلهم
بالمطبخ صبحت عليهم و گعدت جارهة
ردت اگوم اسوي ريوگ ما رضت عمة فردوس و هي گامت تسويلي
گالت حبوبة ـ اشو گاعدة متاخرة حبيبة موش عادتچ هاذي و عيونچ حمر ؟
شمس ـ اي حبوبة موش امس چان عدي صداع و ما گدرت انامن من وكت
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
