البارت 37
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
لآ تِهدنيّ ،
الوَطن حيطـانه بِعيده
وما يِلم ألينتچي
«»«»«»«»«»«««»«»«»«»«»«»«»«»«»«»«»
عاينتهة نصت تتنفس بحس عالي و صدرهة
يترفع و يهبط بسرعة مخيفة
همست ـ شجالچ شمس
شمس ـ زهرة بطلت ما اريدن
زهرة ـ عزة بعيني سكتي لا احد يسمعچ و ننفضح
ما ترهم هيچ تسوين شمس
انتِ لوحديچ تتأذين لون احد سمع
شمس ـ عفي ، ما كملت عبن جانة حس الزلم
ـ جيبوا البت جار الباب خاطر يعقدلهم الشيخ
گامت و احس موش متوازنة بمشيتهة
حطينالهة كرسي جار الباب و مثل طقوس كل عقد
سحبتني جارهة كضت ايدي
النسوان گامن يحچن علئ ابو لزم
تحط ايدينهة اثنيهن ع القرءان
بس هي ما اهتمتلهن و ضلت ايدهة بايدي ، عقدلهم
و هي انطت موافقتهة عگب ما نشفت ريگي
، بوراهة اخذناهة گعدت ع القنفة
شوي و گالن رايح بدش سجاد
بالگوة سحب ايدي منهة و دشيت بنص النسوان
خاطر ما تضل متشتتة و تخاف لا يعاين علي ، دش چان لابس دشداشة
بيضة و عليهة بشت اسود
و يشماغ و عگال
صلاوات اليعاينة يحلف و يگول هذا شيخ
، تگرب عليهة و هي منصية
كض ايدهة و باسهة براسهة
و گعد جارهة
لبسهة الذهب و انة ع البعد اعاينهة شلون ترجف
چان مبتسم و يهمس فجأة
انگلبت خلقتة و عگد حاجبة انة گلبي انسحل گلت
رايح تصير مصيبة
مد ايدة شبكهة من خاصرتهة
جرهة علي ، و همس باذنهة
نصت خدودهة صارن حمر
رفعت راسهة علي هو صافن بوجهة
مدري شهمست و نصت ، هز راس
و همسلة
مدري شني السالفة و هيچ فجأة انگلب وجهة شوي و گال لامة
ـ خلونة لوحيدنة
ام محسن ـ اخذهة وليدي و روح لحجرتي
راحوا و انة حاطة ايدي على گلبي
ادعي تعدي سلامات و ما نتفضح جدام العالم تاخروا يالة طلعوا هي رجعت
گعدت و هو طلع برة
گمنة نوزع للعالم كيك و عصاير
صار المغرب صعدت فوگ شمس و احنة التهينة بالعشى دش سجاد
صعد فوگ اجيت اصعد بس استحيت اكيدن صعدلهة
، ضل بالي يم شمس
بس ما گدرت اصعد
كملنة العشى نزل هو گال لسراب
ـ حطيلنة عشة
، حطتلة صينية اخذهة و صعد
أنت تقرأ
زحت اللثام
Gizem / Gerilimجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
