البارت 25
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
عليمن باچيات و يا حزن يسوة
لـجمال عيونچ تروح الخلگ فدوة
«»«»«»«»«»«««»«»«»«»«»«»«»«»«»«»«»
ورا العشى تعللنة عدهم يمكن نص ساعة و اخذتهن و ردينة
ركضت فوگ بلاية تفاهم حضرت هدومي و حطيتهن على جهة و نزلت
نمت بالديوانية ، ضليت اتگلب
طار النوم وشيجيبة
شوي و دشت شمس تسحول بفراشهة
فرشت جاري و گعدت بلاية ما تنطق
صفنت چثير و عگبهة گالت ـ شلون زهرة باچر تروحون و انة ويامن التهي
المن اسولف و اشكي البگلبي
منهو يساعدني و يخفف عني
غطت وجهة بايديهة و متنونهة تتحرك بلاية حس، دفرت غطاي وگمت شبكتهة
زهرة ـ ولي خبلة شمالچ فرحي رايح تخلصين و يضل سجاد بس ليچ
شمس ـ و شسوي بسجاد اذا انتِ مامش
زهرة ـ ولچ ام دروب شتسوي بسجاد موو
الا اگلة اخذ عاينلك غيرهة
شمس ـ دولي زهرة
بس گوليلي شلون احاچيچ ما عدچ هناك نقال ؟
زهرة ـ لا منين يحسرة بس انة اگلچ
خابري رقية و گليلهة اطيني زهرة عاد هين تفشل و ما تگدر ترفض
شمس ـ الى متى نوبة نوبتين تنطي و عگبهة تمل وتحضرني و تخلص
زهرة ـ الا ان تفرج علي و اشتري نقال
شمس ـ ما تضلين هين چم يوم
شعدچ رايحة هناك لا دراسة لا شي ضلي
عدنة و حامد هالاسبوع يرد و ياخذچ
زهرة ـ يا يمة انة غريضاتي حضرتهن من امس و هاذي تريدني اضل الا تسودنت
شمس ـ لزم مليتي و تردين بس تخلصين
زهرة ـ لا ولچ بالي عد ثائر
شمس ـ هي ثائر ؟
التحبي اسمة ثائر!!!
زهرة ـ اي شمالچ انصدمتي
شمس ـ لا بس عبن اسمة غريب
عليمن ثائر
زهرة ـ على اهاليتي
ضلينة نسولف الا ان تعبنة و نمنة بنص السوالف
لهفتي لباچر مثل لهفة طفل للعيد
حتى هدومي الارجع بيهن مسفطتهن فوگ الجنطة
وعيت من الصبح على حس امي و هي تگعدني گمت بهمة غسلت و نزلنة تريگنة
و گبل ركضت ابدل گبلهم كلهم
كملت و مشيت للحجرة
چان حس سوالف بس دفرت الباب حيل
و گلت بصوت خشن ـ ولچنن گومن ودعنيي رايحة امشي .
أنت تقرأ
زحت اللثام
Mystery / Thrillerجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
