البارت 14
#زحت_اللثام
الكاتبة #سكينة_الجنابي
«»«»«»«»«»«»»»«»«»«»«»«»«»«»«»«»«»
يا بختها ولايتك شبعانهه منك..
وانه من اشتاگلك بس احچي عنك..
»«»«»«»«»«»«««»«»«»«»«»«»«»«»«»«»«
رفعت راسي اعاين بلچي المح منهي الحاطهة الا افرغن حرگتي بالخلفوا
تفحصت كل المزرعة فارغة چا هاذي الوردة منهو اليحطهة كل نوبة
عاينهة بالگع مطشرة حرامات
لو ما خذتهة حاطتهة بگلاص ماي
بس يلة مامش نصيب
، حشيت و رحت لبستانة
افتريت بي و رديت عاينت من بعيد علي يفر براسة چنة يدورني
هساع يحسب شردت
مشيت صوبة سألني وين چنت
گلتلة و رحت حملت الحشيش و ردينة للبيت
حطيتلهن و دشيت الحوش حس سوالف عالي مشيت للمطبخ چانن امي و رقية وخالتي نوف گاعدات
سلمت على خالتي
و مشيت غسلت وجيت يمهن
خالتي نوف چانت تلف دولمة
وامي كبة و رقية واگفة ع الطباخ تخوط
بگدر مدري هي شمسوية
سألت امي ـ خير يمة شني مناسبة هذا الطبخ
ام مهدي ـ خاطر ناخذة ويانة باچر
رقية طگت الجدر حيل بالخاشوگة امثر من نوبة
عاينتهة خازرة امي
زهرة ـ وين رايحين باچر
ام مهدي ـ اا نروح نزور
زهرة ـ صگد يمة و انة اروح اكيدن
عاينت امي لرقية عاگدة حاجبهة
گالت ـ جج ما ترحين
زهرةـ چا
ام مهدي ـ تضلين هين و نروح بس انة و رقية وخالچ
زهرة ـ عفية يم
زمخت بية ـ گلتت لااا
نوف ـ اخذي البت شني شايلتهة على ظهرچ لو هاذي الحوبة ما ترديهة تروح
طبعًا خالتي نوف ما تطيق رقية ابد و يمكن حتى انة بس تكره رقية علني
وبس من عدهة مصلحة يمهة تجي تتوددلهة ، و رقية كذلك ما تحبهة ،
يعني الكره شعور متبادل
صرخت رقية ـ منهي الحووبة فوگما ملفينچ ببيتنة الدور ما تحترمينة
شني من شي انتِ
نترت بيهة ـ احترمي نفسچ ولا تجاوزين ع الاكبر منچ
خالتي بمگام امي ولو تكسر راسچ ما تحچين
وبعدين هي موش جاية لدارچ
خاطر تتمننين عليهة هي جاية لبيت ابوي
و انة يرد ولية سالفة ويا
رقية انخرست ما سمعت ليهة نفس
گبل دارت وجهة للطباخ
وخالتي نوف جرت وجهي
گلت رايح تسطرني راشدي
أنت تقرأ
زحت اللثام
Mistério / Suspenseجاءت مُعَذِبتي في غيهبِ الغسقِ كأنها الكوكبُ الدريُ في الافقِ فقلتُ نورتني يا خيرَ زائرةٍ أما خَشيتي منَ الحُراسِ في الطرقِ فقالت و دمعُ العينِ يسبقها من يركبِ البحرَ لا يخشى من الغرقِ فقلتُ هَذي أحاديثٌ ملفقةٌ موضوعةٌ من عندِ مختلقِ فقالت إني أُح...
