زحت اللثام

لعيونكم

#زحت_اللثام

الكاتبة #سكينة_الجنابي

«»«»«»«»«»«»»»«»«»«»«»«»«»«»«»«»«»

طلع و رجع بايدة صينية
جر الكبلة و حط الصينية عليهة

سجاد ـ گومي
، جة خاطر يساعدني گلتلة اگدر

نزلت و گعدت هو جدامي يسويلي لفات
الا ان شبعت وهو كل شوي يگول بس هاي

شمس ـ كافي والله ما اگدر بعد
سجاد ـ الف عافية بوية

گمت للحمام غسلت و طلعت ماهو بالحجرة طلعت لحجرة البنوات ادور علئ فرچة اسناني

لگيتهة بالجنطة الاخذتهة ع الصالون
اخذتهة و طلعت للحمام
فرچت اسناني و طلعت صار بوجهي

سجاد ـ هاي وين رحتي
شمس ـ چنت افرچ اسناني

سجاد ـ امشي
شمس ـ اريد اروح انامن
سجاد ـ بسس امشيي

سحبني لحجرتة دش ينطرني ادش
دشيت و وگفت على جهة

عقچت وجهي من ردت رجلي توجعني
تگرب اخذ الفرچة من ايدي حطهة ع الميز و سحبني للچرباية

سجاد ـ گعدي شمالچ وجهچ فلت
، گعدت ع الچرباية حط المخاد على تاج الچرباية

انتچيت عليهن
سجاد ـ مددي رجلينچ

شمس ـ جج ما اريدن
، سحب رجلي مددهن و راح طلع عصارة من المجر و جة

گعد و فتحهة و خلة على اصابيعة
گبل لميت رجليني

سجاد ـ عليش يا بوية
شمس ـ انة ادهنهن

سجاد ـ انة و انتِ واحد شمس لا تخجلين مني
شمس ـ لا عفية

سجاد ـ عليش لا هساع لو انة
رجلي توجعني ما تفرچيهن

و تدهنيهن
، سكتت و انة ناوية اگلة لا ما المسهن
بس وگفت بعيني مساعدتة الي

جر رجليني و بدأ يدهنهن
و انة اون بدي ابچي اخر شي ما اتحملت و انفجرت ابچي

هو طفر مصدوم
سجاد ـ شمالچ حبيبتي عليش البچي

شمس ـ سجاد يوجعني كلش
سجاد ـ هاذي خوش عصارة هياع والله شوي و يطيبن

رجع يدهنهن و يمرخهن

گام للحمام غسل و طلع
راح للكنتور رجع بايدة جواريب رجالية لبسنياهن

و طلع شوي و رد بايدة بطل ماي و گلاص خلاهن جاري و راح طفى الاضوية عاف بس واحد خافت

جة يمشي خفت حيل گلت بتوتر ـ هاي عليش طفيتهن
سجاد ـ نامي بوية

شمس ـ عزة بعيني تريدني انفضح
سجاد ـ عليش تنفضحين بوية غير مرتي

شمس ـ عفيية لا عيب والله
خليني اتعود اعليك خوبن ما من اول يوم انامن هين

سجاد ـ كل هاي السنين و لساعچ موش متعودة احچي هاذي السوالف لغيري